Bobur milliy bog`i-Andijon shahridan janubi-sharqda,markazdan 8 km uzoqlikda joylashgan. Bog’ 1993-yilda Xalqaro Bobur fondi tomonidan Andijon farzandi, shoh va shoir Zahiriddin Muhammad Bobur tavalludining 510 yilligi munosabati bilan tashkil etilgan. Bog’ maydoni 357 gektar bo’lib, atrofi mevali bog’lar va uzumzorlar bilan o’ralgan. Bobur milliy bog’i istirohat va ziyoratgoh maskani hisoblanadi. Bog`ga gulzor oralab kiriladi. Bog`da Bobur haykali va Bobur xalqaro fondi tomonidan tashkil etilgan muzeyga duch qurilgan. Muzeyda Bobur qadamjolari bo’ylab uyushtirilgan ekspeditsya tomonidan yurtimizga olib kelingan, noyob eksponatlar, qo’lyozmalarni ko’rish, Bobur va boburiylar hayoti, faoliyati haqida ma’lumotlarni olishi mumkin. Bog`ga Agradagi va Qobuldagi Bobur qabridan olingan tuproq, shoir hoki ramziy qabrga qo’yilgan. Bog’da turli bolalar o’yingohlari, attraksionlar, hayvonot bog’i va boshqa ko’ngilochar maskanlar mavjud. Osma sim arqonlar orqali adirning yuqoriga chiqish mumkin.
Bod kasalligi-(forscha— shish degan ma`noni bildiradi) — boʻgʻim ogʻrigʻi (artralgiya), muskul ogʻrigʻi (mialgiya), quymich nervi kasalligi (ishias), pleksit, podagra, radikulit, revmatizm kabi kasalliklarning xalq orasida tarqalgan nomi.
Bodom- (Amygdalus L.) — raʼnodoshlar (anorgullilar oilasi)ga mansub daraxt. Bodomning 40 ga yaqin turi maʼlum. Osiyo, Shimoliy hamda Markaziy Amerikada, Yevropaning janubida, Zakavkazye, Oʻrta Osiyoda tarqalgan. Oʻzbekistonda bodomning 5 turi mavjud. Ulardan bittasi — shirin magʻizli bodom (A. communis L.) ekiladi, qolganlari yovvoyi holda uchraydi. Bodom,asosan,Oʻzbekistonning tog`li hududlarida (Fargʻona vodiysi, Surxondaryo, Samarqand, Toshkent viloyatlarida) oʻstiriladi. Bodom daraxtining bo`yi 6– 10 m, shox-shabbasi piramidasimon yoki tarvaqaylab o`sadi. Erta bahorda, barg chiqarishdan oldin gullaydi. Guli oq yoki pushti rangda bo`ladi. Gʻoyat yorugʻsevar va qurgʻoqchilikka chidamli. Mevasi (bodomi) po`st (pishganda yorilib ketadi) bilan qoplangan qattiq qobiqli danak (yongʻoqcha) bo`ladi, iyul—sentabrda pishadi. Bodomining og`irligi 0,5—4 gramm bo`ladi. Bodom, asosan, shirin magʻzi uchun yetishtiriladi. Bodom magʻzi isteʼmol qilinadi, qandolatchilik sanoatida, moyi tibbiyotda, achchiq magʻiz bodomdan olinadigan efir moyi kosmetika sanoatida, poʻchogʻi spirtli ichimliklar rangi va taʼmini yaxshilashda ishlatiladi. Bodom 100, hatto 130 yilgacha yashaydi. Koʻchati danakmevalilar (shaftoli, olcha, oʻrik) yoki achchiq bodom danagini ekib olingan nihollarga shirin bodom navlarini payvand qilish yoʻli bilan yetishtiriladi. Daraxti 4-,5- yildan boshlab meva beradi. 12-,15-yili toʻliq hosilga kiradi. Bir tupidan 60–80 kg gacha hosil olinadi. Daraxti 20—25° sovuqqa bardosh beradi.
Bodring-(lotincha – Cucumis sativus) bir yillik, oʻt oʻsimlik. Vatani — Hindiston, ammo hozir dunyoning koʻpgina mamlakatlarida yetishtiriladi. Issiqsevar oʻsimlik hisoblansada, vegatasiya davrining qisqaligi sababli yer kurrasining shimoliy oʻlkalarida ham etishtiriladi. Oʻzbekistonda sabzavot ekini sifatida keng ekiladi, etishtirish maydonlari boʻyicha pomidor, piyoz, sabzi, oq bosh karam sabzavotlaridan keying oʻrinda turadi.
Bog`- mevali daraxtlar va tok, gul bilan band bo`lgan maydon, mevazor (uzum bog`i, anjir bog`i, olma bog`i va boshqalar). Bundan tashqari bog` manzarali oʻsimliklar ekilgan joy, daraxtlar va gullar ekilib obod etilgan istirohatgoh hamdir.
Do'stlaringiz bilan baham: |