Inson va tuproq” kitobi “Jayron” ekologik markazi

Tesha-

Teshiktosh g`ori- Surxondaryo viloyati Boysun tumanidagi Turgandaryoning Zovtalashgansoy darasida, dengiz sathidan 1500 m balandlikda joylashgan. G`orning shipi teshik, nomi ham shundan, kirish qismi shimoli-sharq tomonga qaragan bo`lib balandligi 7 m, eni 20 m, uzunligi 21 m. Uning umumiy maydoni 300 m<sup>2</sup> bo`lib, shundan 100 m² joyi eng qadimiy odamlar (neandartal) yashaganligidan guvohlik beruvchi qazilma buyumlar mavjud. Teshiktosh g`ori yashash uchun qulayligi tufayli g`orni vaqtvaqti bilan suv bosib turishiga qaramasdan neandertal odamlar uni butunlay tark etmaganlar. G`orni birinchi marta 1938-1939-yillarda A. P. Okladnikov o`rgangan. G`orning har bir qatlamida bittadan va baʼzilarida ikkitadan gulxan qoldiqlari saqlanib qolgan. Gulxanlar atrofida ko`plab tog` echkisi, bug`u, sirtlon, ayiq, quyon va har xil qushlarning suyak qoldiqlari, 3000 ga yaqin tosh buyum, tosh uchirindisidan tayyorlangan uchburchak shakldagi 24 ta qurol, qirquvchi va tarashlovchi sifatida ishlatilgan 65 ta qirg`ich, paykonlar, tosh pichoqlar topilgan. Teshiktosh g`ori topilmalarining eng qimmatlisi 25 sm chukurlikdan topilgan Teshiktosh odamidir.

Texnika- turli mexanizm va asboblar tayyorlash hamda ulardan foydalanish bilan bog`liq bo`lgan ilmiy bilimlar tarmog`i. mashina va moslamalarning o`zini ham shu nom bilan ataydilar. Kompyuterlar, avtomobillar, fotoapparatlar – bularning hammasi texnika. Biz texnikadan hamma joyda: maktabda, uyda, ishxonada, safarda foydalanamiz. Texnika orqali har xil ishlarni tez va oson bajarish mumkin. U juda murakkab va juda oddiy bo`lishi mumkin. Bino, ko`prik va to`g`onlarni qurish uchun maxsus qurilish texnikasidan foydalaniladi.