I. N. Saydaliyev- andMI, "Avtomobilsozlik" kafedrasi katta o’qituvchisi

Ushbu uslubiy ko´rsatma 5310500 - “Avtomobilsozlik va traktorsozlik” yo´nalishi bo´yicha bakalavr tayyorlash namunaviy va ishchi o´quv dasturiga mos qilib tayyorlangan

1-Amaliy mashg’ulot

Mavzu: Shtamplash jarayonini o’rganish
PRESSLASH SEXI

1. Ishning maqsadi: “GM-Uzbekistan” qo’shma korxonasi presslash sexining ishlab chiqarish texnologik jarayoni bilan tanishish, mahsulot turlari va sonini aniqlash, yaroqsiz mahsulotni aniqlashni o’rganish.

2. Umumiy ma'lumotlar: “GM-Uzbekistan” qo’shma korxonasining presslash sexiga Yaponiyaning «KOMATSU» firmasidan keltirilgan asbob - uskunalar va dastgohlar o’rnatilgan. Presslash sexida asosan NEXIA, MATIZ, DAMAS, GENTRA, SPARK, COBALT avtomobillarining kuzovlari tayyor holga keltiriladi. Presslash sexida ishlab chiqarish jarayoni quyidagicha tashkil qilingan (sxemaga qarang): po’lat listli zagotovkalar dumaloqlangan rulon holatda keltiriladi. Maxsus qirqish dasgohida kerakli o’lchamlar qirqilib olinadi. Zagatovka valsovka qilish dasgohida kerakli shaklga keltiriladi. So’ngra sovuq holatda shtamplash usulida kerakli formaga kiritiladi. Tayyor bo’lgan mahsulotlar payvandlash sexiga o’tkaziladi.