I bo‘lim. Umumiy qoidalar 1-bob. Asosiy qoidalar

166-modda. Hal qiluv qarorining ijrosini ta’minlash
Hal qiluv qarorini ijro etish mumkin bo‘lmay qoladi yoki qiyinlashadi deb hisoblash uchun asosi bo‘lgan shaxslar ushbu hal qiluv qarorini qabul qilgan sudga uning ijrosini ta’minlash to‘g‘risida ariza berishi mumkin.
LexUZ sharhi
Qarang: mazkur Kodeksning 155 — 158, 165, 167-moddalari.
Arizada ijrosi ta’minlanishi zarur bo‘lgan hal qiluv qarori va uni ta’minlash to‘g‘risida iltimos bilan murojaat qilishga arizachini undagan sabablar ko‘rsatilishi kerak.
Hal qiluv qarorining ijrosini ta’minlash to‘g‘risidagi masala ushbu Kodeksning 95-moddasida nazarda tutilgan tartibda hal etiladi.
LexUZ sharhi
Qarang: mazkur Kodeksning 95-moddasi.
167-modda. Hal qiluv qarorini ijroga qaratish
Hal qiluv qarori u qonuniy kuchga kirganidan so‘ng ijroga qaratiladi.
Idoraviy normativ-huquqiy hujjat va saylov komissiyalarining xatti-harakatlari (qarorlari) yuzasidan nizolashish to‘g‘risidagi ishlarga doir hal qiluv qarorlari darhol ijro etilishi lozim.
LexUZ sharhi
Qarang: mazkur Kodeksning IV-bo‘limi, O‘zbekiston Respublikasining “Sud hujjatlari va boshqa organlar hujjatlarini ijro etish to‘g‘risida”gi Qonuni.
20-bob. Sud ajrimi va qarori
168-modda. Ajrim chiqarish
Sud ushbu Kodeksda nazarda tutilgan hollarda ajrim chiqaradi.
Ushbu Kodeksda to‘g‘ridan to‘g‘ri nazarda tutilgan hollarda, ajrim alohida sud hujjati tarzida chiqariladi.
Murakkab bo‘lmagan masalalarni hal etish chog‘ida sud ajrimni o‘z joyida chiqarishi mumkin. Bunday ajrim sud majlisining bayonnomasiga kiritiladi. Ajrimlar chiqarilganidan keyin darhol o‘qib eshittiriladi.
LexUZ sharhi
Qarang: mazkur Kodeksning 7-moddasi, 13-moddaisning to‘rtinchi qismi, 24-moddasining yettinchi qismi, 34-moddasining uchinchi qismi, 41-moddasining oltinchi qismi, 42-moddasining uchinchi qismi, 169 — 174-moddalari.