Ўзбекистон республикаси марказий сайлов комиссиясининг қарори №1040 2020 йил «28» октябрь

В. Участка сайлов комиссиялари 
Қонунчилик палатаси, маҳаллий Кенгашлар депутатлари сайловини 
ўтказиш учун Ўзбекистон ҳудудида 10 260 та сайлов участкаси ташкил этилди. 
УСКларнинг 111 461 нафар аъзодан иборат таркиби илк бора уч босқичли 
муҳокамадан сўнг тасдиқланди: 
1) комиссия аъзолигига номзодлар фуқароларнинг ўзини ўзи бошқариш 
органлари, жамоат бирлашмалари, корхоналар, муассасалар ва ташкилотлар 
томонидан таклиф этилди; 
2) таклиф этилган номзодлар Халқ депутатлари туман, шаҳар кенгашлари 
мажлисларида муҳокама қилиниб, тасдиқлаш учун тавсия қилинди; 
3) тавсия қилинган номзодлар тегишли ОСКлар томонидан муҳокама 
қилиниб, тасдиқланди. 
УСКлар таркибида 54 361 нафар (49,0 %) аёллар, 97 419 нафар (87,7 %) 
ўзбек миллатига ва 14 042 нафар (12,3 %) бошқа миллатларга мансуб шахслар 
ўрин олди (сифат таркиби 2-иловада келтирилган). 
Сайлов амалиётида илк бор УСК аъзоларининг ярмидан кўпи битта 
ташкилотдан тавсия этилиши мумкин эмас, деган қоида амалда қўлланилди. 
Муаммо:
 Дипломатик ваколатхоналар, ҳарбий қисмлар, қамоқда сақлаш 
ва озодликдан маҳрум этиш жойлари, санаторийлар ва дам олиш уйлари, 
касалхона ва бошқа стационар даволаш муассасаларининг хусусиятлари ва ички 
тартиб қоидаларидан келиб чиқиб, ушбу муассасаларда қонун талаби 
бузилмаган бўлса-да, комиссия аъзоларининг ярмидан кўпи битта ташкилотдан 
тавсия этилиши мумкин эмаслиги ҳақидаги талабни бажаришда 
қийинчиликларга дуч келинди. 
Таклиф:
Ушбу турдаги алоҳида хусусиятга эга сайлов участкаларида 
УСК аъзоларининг ярмидан кўпи битта ташкилотдан тавсия этилиши мумкин 
эмаслиги ҳақидаги қоидани қўллашни истисно этиш зарур. 

---

14 
Шунингдек, 38 та хорижий давлатдаги Ўзбекистоннинг дипломатик ва 
бошқа ваколатхоналарида 55 та сайлов участкаси ташкил этилди ва улар 
Тошкент шаҳридаги 12 та сайлов округига бириктирилди
11
.