«sharq» nashriyot-matbaa aksiyadorlik kompaniyasi

Chakkaga qo‘ngan pashsha

Afandi yoshligida ham afandi ekan. Bir kuni u yig‘lab

turgan ekan, dadasi:

— Nega yig‘layapsan? — deb so‘rabdi.

— Akam bitta pashshani urib o‘ldirdi, — debdi

Nasriddin.

— Iya, pashshaga rahming kelyaptimi? — ajablanibdi

dadasi.

— Pashsha mening chakkamga qo‘nib turgan edi-da, —

debdi Afandi.

O‘g‘rilarga xizmat

Afandi uyqusi qochib, xayol surib yotgan edi, bir o‘g‘ri

devordan oshib tushib, sheriklariga asta eshikni ochib berdi.

O‘g‘rilar uydan, hovlidan durustroq bir narsa topolmay

chiqib ketishayotgan edi, Afandi boshini ko‘tarib dedi:

— Jon birodarlar, sizlarga bir xizmat: eshikni ichidan

zanjirlab ketinglar, boshqa o‘g‘rilar ham ovora bo‘lib kirib

yurmasin.