Kompyuterning tuzilishi va uning qurilmalariga tavsifnoma

Kompyuter monitorlari matn yoki tasvir ko`rinishidagi axborotlarni ekranga chiqarish uchun mo`ljallangandir. Monoxrom va rangli monitorlar mavjud bo`lib, ular matn yoki grafika holatlaridan birida ishlashi mumkin.
Matn holatida monitor ekranini shartli ravishda kataklarga bo`lib chiqish mumkin. Bunday kataklarning soni ko`pincha gorizantaliga 80 ta, vertikaliga esa 25 ta bo`lishi mumkin.
Hozirgi zamonaviy kompyuterlarda MDA, CGA, Hercules, EGA va VGA tipidagi va tekis yuzali suyuq kristalli monitorlardan foydalanilmoqda.
Печатьga chiqarish qurilmalari (printerlar). Odatda bosmaga chiqarish qurilmalari parallel portlarga ulanadi. Kompyuterdan kelayotgan komandalarga bo`ysingan holda qog`ozga ma`lumotlarni chiqaradi. Hozirgi kunda qog`ozga yozish yo`li bilan farqlanuvchi bir necha xil printerlar mavjud.
Matritsali printerlar. Bu printerlar buyash lentalariga ignalar o`rish orqali qog`ozga tasvirlarni tushiradi. Ular 9 ignali yoki 24 ignali bo`lishi mumkin. Muhim tavsiflaridan biri tasvirlarni yoritish sifatining yuqoriligi va arzonligidir. Bu printerlarga misol qilib «EPSON» va «HYNDAI» tipidagi printerlarni keltirish mumkin. Odatda bu printerlar matnlarni bosishda qulay bo`lib, grafik ko`rinishidagi ma`lumotlarni juda sekin va sifatsiz chiqadi.
Lazerli printerlar. Bu printerlar eng qimmat printerlardan bo`lib, chop qilish barabanlarida lazer nurlarining ishlatilishi печать qilish tezligi va sifatini yuqori darajaga oshiradi. Hozirgi lazer printerlari minutiga 33 va undan yuqori sahifani bosmadan chiqarishi mumkin. Lazer printerlar o`ziga tegishli 20 Mbgacha tezkor xotira hajmiga ham ega bo`ladi. O`zida tezkor xotira hajmining mavjudligi grafik ma`lumotlarni bosmaga chiqarishni ham juda tezlashtiradi. Bizda Hewlett-Packard va Canon firmasiga qarashli LaserJet printerlari keng ishlatilmoqda.
Oqimli (purkovchi) printerlar. Keyingi paytlarda bu turdagi printerlar keng ishlatilmoqda. Bu printerlar tasvirlarni qog`ozga suyuqlikni purkash natijasida hosil qiladi. Bunga Hewlett-Packard DeskJet printerlarini misol qilib keltirish mumkin. Purkovchi printerlar matritsali printerlarga qaraganda tez sekin chop etib, rangli tasvirlarni ham qog`ozga tushirish imkoniga egadir.