G. N. Najmiddinova O’. U. Qurbonova

Katta yoshdagilar ta’limi 
So‘nggi  yillarda  Niderlandiyada  katta  yoshli  fuqarolarning  bilim  olishga 
qiziqishi  ortib  bormoqda.  Aksariyat  bu  toifadagi  kishilar  ilgari  turli  sabablar  bilan 
ta‘lim  olishga  imkoniyatlari  bo‘lmagan  kishilardir.  Mana  shunday  kishilarning 
bilim  olishga  bo‘lgan  ishtiyoqini  qondirish  uchun  mamlakatda  ochiq  maktablar, 
ochiq  universitetlar  tashkil  etilgan.  Bu  o‘quv  muassasalarida  o‘quv  mashg‘ulotlari 
mustaqil  yoki ishdan so‘ng amalga oshiriladi. 
Yoshlar.  Hozir  kunda  Niderlandiyada  mamlakat  umumiy  aholisining  40 
foizini  25  yoshgacha  bo‘lgan  yoshlar  tashkil  etadi.  Mamlakat  yoshlar  siyosatining 
asosiy  yo‘nalishi  ularni  ma‘lumotli,  kasb-korli  qilishga,  yoshlarni  mamlakat 
ijtimoiy,  iqtisodiy,  siyosiy  hayotida  faol  ishtirok  etishini  ta‘minlash,  ularning 
ko‘ngilli  dam olishlarini  namunali  tashkil  etishni  ta‘minlashga  qaratilgan.   
So‘ngi  yillarda  mamlakatda  yoshlarning  ijtimoiy  istiqbollari  keskin  o‘zgardi. 
Ularda  hayotiy  jarayonlarga  qiziqish  ancha  kuchaydi,  shuningdek  ular  o‘z 
muammolarini  o‘zlari mustaqil  hal  qilishga  tobora intilmoqda.   
Yoshlar  boshqa  mamlakatlardagi  tengdoshlari  singari  jamiyatdagi  o‘z  o‘rnini 
topish va uni mustahkamlash  uchun kurashmoqdalar.   
Yoshlar  siyosatiga  oid,  davlat  ahamiyatiga  molik  masalalarni  faravonlik, 
sog‘liqni  saqlash  va  madaniyat  ishlari  vazirligi  hal  etadi.  Bu  vazirlik  boshqa 
vazirliklar  bilan  hamjihatlikda  yoshlar  ehtiyojlarini,  shu  jumladan  ularni  ish  bilan, 
turar  joy  bilan  ta‘minlash,  moddiy  farovonligini  yaxshilash,  ularga  malakali  tibbiy 
xizmat  ko‘rsatish kabi  masalalarni  muvofiqlashtiradi,  hal  etadi.  
Katta  avlodning,  boshqaruv  ishidagi  mansabdorlarning  faoliyatida  eng  ko‘zga 
tashlangan  soha  yoshlarning  ishsizligini  tugatish,  ularga  keng  ko‘lamdagi  yordam 
uyushtirishga  sidqidildan  yondashayotganligidir.  Niderlandiyada  yoshlar  ishlari 
bo‘yicha  federatsiya  mavjud  bo‘lib,  uning  vazifasi  hukumatda,  parlamentda 
yoshlar manfaatlarini  va ularning  huquqlarini  himoya  qilishdan  iborat.  
Niderlandiyada  qariyib  4  mln.  yoshlar  kunduzgi  o‘quv  bilan  qamrab  olingan. 
Mamlakatda  majburiy  ta‘lim  bepul,  katta  yoshlilar  maktablari  va  oliygohlarida 
pullikdir.   
Ba‘zan  maktablarda  ota  -  onalar  o‘quv  tarbiya  ishlarini amalga oshirish uchun 
o‘z  mablag‘lari  bilan  yordam  beradilar.  Barcha  o‘qtuvchi  va  tarbiyachilar  maoshi 
davlat  tomonidan  ta‘minlanadi.  O‘qituvchi  to‘liq  holda  maosh  olish  uchun 
haftasiga  40 soat sarf etmog‘i kerak.  
Rasmiy  ma‘lumotlarga  qaraganda,  ta‘lim  vazirligi  Niderlandiyada  eng  qimmat 
turuvchi  vazirlikdir.  Unga  Davlat  ta‘lim  sohasida  bir  yilga  29,6  milliard  gulden 
mablag‘ sarf etadi. Bu davlat byudjetining  17 foizidir.   
Niderlandiyada  nafaqa  yoshi  erkaklar  uchun  ham  ayollar  uchun  ham bir xil  65 
yosh. Nafaqa miqdori oiladagi  kishilar  soniga qarab belgilanadi.