Fktzu laboratoriya ishlari. Laboratoriya ishi 1 Fotokolorimetrik usul bilan eritmadagi temir va mis ionlari miqdorini aniqlash

FKTZU laboratoriya ishlari. Laboratoriya ishi 1 Fotokolorimetrik usul bilan eritmadagi temir va mis ionlari miqdorini aniqlash Ishning maqsadi: Darajalash grafigidan foydalanib fotokolorimetrik usul bilan eritmadagi temir miqdorini aniqlash. Kerakli asbob-uskuna va reaktivlar: - fotokolorimetr FEK-56 M; -10% li kaliy yoki ammoniy rodanid eritmasi; - 8 dona 25 ml sig`imli o`lchov kolbalar; - 1,2 va 5 ml li darajalangan pipetkalar; - 1:1 nisbatdagi HNO3 eritmasi; - temir tuzining standart eritmasi ; - distillangan suv. Temir tuzining standart eritmasini tayyorlash uchun 0,864 g Fe(NH4)(SO4)2 kristalini 1,0 li o`lchov kolbasiga solib, uni ozroq suv va 5 ml kontsentrlangan H2SO4 da eritib, so`ngra o`lchov kolbasining chizig`igacha distillangan suv quyiladi. Bu eritmaning titri 0,1 mg/ml ga teng bo`ladi. Darajalash grafigini tuzish. Buning uchun 25 ml li o`lchov kolbalarining har biriga ma`lum izchillikda temirning standart eritmasidan 0,20; 0,30; 0,45; 0,60; 0,90; 1,50; 2,2; 3,35; 5,00; 7,5 ml quyiladi. So`ngra kolbalarning har biriga 1 ml dan (1:1) HNO3 va 4 ml dan kaliy yoki amonniy rodanid eritmasidan quyilib, o`lchov kolbasining chizig`igacha distillangan suv to`ldiriladi va yaxshilab aralashtiriladi, hamda optik chizig`i D 400-450 nm (binafsha rangli yorug`lik filtri) da aniqlanadi. Ma`lumki, temirning rodanidli kompleksi beqaror bo`lganlishi sababli bir eritma tayyorlanib optik zichligi aniqlanib bo`lgandan keyin ikkinchisini tayyorlashga kirishiladi. Olingan tajriba natijalari 2-jadvalga quyidagi tartibda yoziladi. Olingan tajriba natijalarini qayd qilisn shakli 2-jadval № Eritmaning kontsentratsiyasi, ml/25 ml D1 D2 D3 D o`rt. 1. 0,2 2. 0,3 3. 0,45 4. 0,60 5. 0,90 6. 1,5 7. 2,25 8. 3,35 Tajriba natijalari asosida darajalash grafigi, ya`ni ordinatalar o`qiga optik zichlik D absissalar o`qiga esa temirning ml yoki mg hisobidagi miqdori yozib qo`yiladi. Noma`lum kontsentratsiyali temir tuzining eritmasi berilganda esa yuqoridagi tartibda rangli kompleks hosil qilib shu eritmaning optik zichligi aniqlagadi va darajalash grafigi asosida temirning miqdori topiladi.