F. I. Salomova, L. K. Abdukadirova, X. A. Sadullayeva, S. A. Sharipova mutaxassislikka kirish

Badan gigiyenasi va badanni chiniqtirish. Badan gigiyenasi (badan 
terisi, soch, og‘iz bo‘shlig‘i va tishlar, badanni chiniqtirish) odamlarning 
salomatlik holatlarini belgilovchi shaxsiy gigiyenaning muhim bir qismi 
hisoblanadi. 
        Sizlarga ma’lum-ki, odamning badan terisi bir  qator vazifalarni 
bajaradi:  
-  himoya vazifasi -  organizmni teri orqali mikroorganizmlarni 
kirishidan, badanni mexanik, termik va kimyoviy jarohatlardan saqlaydi; 
- issiqlikni boshqarish jarayonida ishtirok etadi - teri-osti yog‘ qatla-
mi, terlash, bug‘lanish, nurlanish, konveksiya, konduksiya; 

---

339 
 
-  xabar beruvchilik (signal) vazifasi -  nerv oxirlari tomonidan turli 
taassurotlarni qabul qilish va MNS ga uzatish; 
-  chiqaruvchilik vazifasi -  ter bezlari orqali modda almashinuvidan 
hosil bo‘ladigan chiqindilar va zararli moddalarning chiqarilishi kabilar: 
Boshimizdagi sochlarimiz himoyalovchi va issiqlikni boshqarilish 
jarayonida ishtirok etadi. 
Badan terisi  va soch qavatimiz yuqoridagi vaziflarni fiziologik nor-
mal  holda bo‘lgandagina bajara  olishi mumkin. Oddiy  holatda badan 
terisi yumshoq, silliq, egiluvchan, kepaklanmaydigan va yorilib ketmay-
digan, yupqa yog‘ qatlami bilan qoplangan, muayyan pH ga ega: 
-yuz terisi va qo‘ltiq osti terisidagi -  pH - 6,1-6,8 ga teng bo‘lsa, 
-badanning qolgan qismida             - pH   -4-5 ga tengdir. 
Sochlar normal holda egiluvchan, yaltiroq, bir xil rangda, uchlari 
to‘mtoq emas va bosh terisida mustahkam o‘rnashgan bo‘ladi. 
       Badan terisi va sochni normal fiziologik holatda bo‘lishini ta’min-
lash uchun uni doimo parvarish qilish yo‘llari to‘g‘ri tanlangan bo‘lishi 
kerak. Badan terisi va sochlarga to‘g‘ri parvarish qilish uchun parvarish 
qilish vositalarini ham to‘g‘ri tanlash lozim. Buning uchun uni o‘z vaqti-
da tozalab turish, moylanishini nazorat qilish, o‘ta moylanib ketmasligi-
ni nazorat qilish va vaqti-vaqti bilan yuvib turish kerak. Parvarish qilish 
vositalari  qatoriga toza suv, shampun, sovun, krem (masalan, losyon) 
lardan foydalaniladi.  
Suv badan terisi va sochlarni qisman mexanik tozalovchi va terini 
ho‘l holatda saqlanishini ta’minlovchi vositadir. Ammo, har  qanday suv 
ham badan terisini yuvish uchun yaroqli emas, jumladan qattiq  suv 
badan tersini quritib, kichik-kichik yorilishlarga va kepaklanib ketishga 
olib keladi.  Badan tersiga ishlov berishda eng namunali vosita bo‘lib 
sovunlar hisoblanadi. Sovunlarning tarkibida yog‘lar, ishqoriy moddalar, 
maxsus  qo‘shimchali moddalar bo‘ladi. Bu komponentlarning qo‘shil-
gan miqdoriga binoan xo‘jalik va yuvinish sovunlariga bo‘lish mumkin. 
Xo‘jalik yoki oddiy tilda kir sovunining tarkibida asosan yog‘lar va 
ishqoriy moddalar bo‘ladi, shu bilan birga ishqoriy moddalarning 
miqdori 30% gacha bo‘lishi mumkin va bunday sovunlar bilan badan 
terisiga ishlov berilganda terining shox(muguz) qatlamini eritib yuboradi 
va natijada   badan terisi  qurib ketadi va terining yorilishiga sababchi 
bo‘ladi. Yuvinish sovunlari ham  o‘zining tarkibi bo‘yicha bir-biridan 
farq  qiladi.  Badan terisini yuvish uchun mo‘ljallangan sovunlar tarkibi 
ishqoriy modda nisbatan kamroqni tashkil qiladi va bundan tashqari 

---

340 
 
bunday sovunlar tarkibiga maxsus qo‘shimchalar  qo‘shiladi. Masalan, 
badan terisi quruq  bo‘lgan odamlar uchun sovun tarkibiga glitserin, 
letsitin, tuxum sarig‘i,  o‘simliklardan olinadigan ekstraktlar qo‘shiladi. 
Hozirgi kunda sintetik yuvish vositalaridan badan terisini yumshatuvchi 
va ozuqali moddalar bilan oziqlantiruvchi xo‘jalik sovunlari keng ko‘-
lamda reklama qilinmoqda yoki badan terisi yuzasida bo‘ladigan 
mikrofloralarni  o‘ldirish xususiyatiga ega bo‘lgan triklozan va triklo-
karbon qo‘shilgan sovunlar tavsiya qilinmoqda. Bunday sovunlar badan 
terisini tozalash bilan bir qatorda uni dezinfeksiyalash xususiyatiga ham 
egadir.  Badan terisi va sochlarni parvarish qilishda keng qo‘llanadigan 
vositalar  qatoriga shampunlarni kiritish mumkin. Ularning tarkibiga 
suyuq sovun, ko‘p miqdorda ko‘pik hosil qiluvchi moddalar, yoqimli hid 
tarqatuvchi aromatizatorlar va maxsus qo‘shimchalar  qo‘shiladi. Sham-
punlar kam ishqoriy yoki neytral reaksiyali bo‘lib, badan terisi va 
sochlardagi yog‘simon moddalarni va badan terisidan ajraladigan kepak 
ya’ni muguz pardalarni yaxshi tozalaydi. Agar shu shampunlar tarkibiga 
maxsus aralashmalar qo‘shmasdan biroz spirt qo‘shilgan taqdirda bosh 
terisi va sochlarni tez qurishiga olib keladi. Maxsus aralashmalar 
qo‘shilgan shampunlar (o‘simlik ekstraktlari, letsitin, tuxum sarig‘i) juda 
yaxshi xususiyatlarga ega bo‘lib, badan,  bosh terisi va sochlarni yaxshi 
tozalabgina qolmay, balki ularni ozuqlantirish xususiyatiga ham egadir. 
Yuz va qo‘llar terisini tozalash uchun losyonlardan foydalanish 
mumkin. Suyuq  losyonlar  o‘z tarkibida spirt tutadi, shuning uchun uni 
yog‘li teriga ishlov berishda qo‘llash ko‘proq foydali hisoblanadi. Quruq 
teriga ishlov berish uchun “danak mag‘izi suti”  lasyonidan foydalanish 
tavsiya qilinadi. 
Lablar  ham maxsus ishlov berishni talab etadi.  Lab terisini par-
varishlash uchun lab moyqalamlari ishlab chiqilgan bo‘lib, ularning 
asosiy tarkibiy komponenti letsitin hisoblanadi, gigiyenik rangsiz lab 
bo‘yog‘i,  ham erkaklar va ham ayollar uchun qo‘llanishi mumkin. Bun-
day moyqalamlar lab terisining elastikligini va yumshoqligini ta’minlay-
di va lablarni yorilib ketishdan saqlaydi. 
Og‘iz bo‘shlig‘i va tishlarni kasallanishdan himoya  qilish uchun 
ham ularni parvarish qiladigan vositalarni to‘g‘ri tanlash katta aha-
miyatga egadir. Og‘iz bo‘shlig‘ining normal holati deganda -  oppoq  va 
toza tishlar, silliq va toza holdagi og‘iz shilliq pardasi, og‘izdagi normal 
mikroflora tushuniladi. Og‘iz bo‘shlig‘ining pH muhiti - 6,5 atrofidadir. 
Og‘iz bo‘shlig‘ini parvarish qilish vositalarini 3 ta guruhga bo‘linadi: 

---

341 
 
- mexanik vositalar - qattiq ovqatli moddalarni chaynash, tish shet-
kalaridan foydalanish, tish oralarini tozalagichlari kabilar. Bu vositalar 
tish oralari va tish-milk cho‘ntaklarida qolib ketadigan ovqatlardan toza-
lash  va tishlarda hosil bo‘ladigan yumshoq  pardalarni yo‘qotish uchun 
qo‘llanadi; 
- fizik-mexanik vositalar - tish yuvish poroshogi va tish yuvish pas-
talari, og‘iz bo‘shlig‘idagi tishlarning fiziologik holatlariga muvofiq turli 
xildagi  pastalardan foydalanish mumkin. Sog‘lom tishlar uchun oddiy 
gigiyenik tish yuvish pastalarining o‘zi kifoya qiladi, chunki ularning 
tarkibida cho‘ktirilgan bo‘r moddasi, yoqimli hid va ta’m beruvchi aro-
matik moddalar  va glitserin moddasi bor. Og‘iz bo‘shlig‘i va tishlarda 
biron bir kasalligi bor bo‘lgan shaxslar uchun esa  davolovchi-profilak-
tik pastalardan foydalanish tavsiya qilinadi. Bunday pastalar tarkibiga 
turli  xildagi aralashmalar ya’ni og‘izning shilliq  pardasini yallig‘-
lanishdan saqlovchi va antibakterial vositalar qo‘shilgan bo‘ladi. Biz-
ning respublikamizda tish kariyesi kasalligi juda ko‘p miqdorda uchrashi 
munosabati bilan profilaktik tish yuvish pastalaridan foydalanish maq-
sadga muvofiqdir, chunki ichimlik suvi tarkibida ftor elementi yetish-
maydi, shuning uchun profilaktik tish pastalari tarkibiga ftor, kaltsiy va 
boshqa mikro- va makroelementlar qo‘shiladi. 
        Sog‘lom turmush tarzining muhim elementlari qatoriga badanni 
chiniqtirish va unda qo‘llanadigan vositalardan to‘liq  foydalanish talab 
etiladi. Aholining qanday toifasi bo‘lmasin, ular o‘rtasida kuzatiladigan 
kasalliklarning tarkibiga nazar tashlaydigan bo‘lsak, birinchi o‘rinda 
nafas olish organlari kasalliklari turadi va ularni ko‘pincha shamollash 
kasalliklari deb nomlanadi. Bunday holat ko‘pchilik aholi organizmining 
o‘zgarib turuvchi iqlim va ob-havo sharoitlariga moslasha olmasligi oqi-
bati deb qaraladi. Organizmni  chiniqtirish ham aynan atrof-muhit omil-
lari ta’siriga organizmning qarshilik ko‘rsatish ya’ni himoyalanish 
qobiliyatini ko‘tarish uchun tavsiya qilinadi. Badanni chiniqtiruvchi 
vositalar  -  quyosh nuri, sovuqroq va toza suv, toza havo hisoblanadi. 
Bundan tashqari ma’lum darajada badanni chiniqtiruvchi vositalar 
qatoriga xammom  va saunalarda cho‘milishni ham kiritish mumkin, 
lekin badanni chiniqtiruvchi vositalarning eng asosiysi, jismoniy tarbiya 
mashqlari bilan muntazam shug‘ullanish hisoblanadi. Badanni 
chiniqtirishda quyidagi asosiy prinsiplarga to‘liq amal qilish maqsadga 
muvofiqdir: 

---

342 
 
Qanchalik erta boshlangan jismoniy tarbiya shunchalik yuqori 
samarga ega bo‘ladi. Chiniqishni asta-sekinlik bilan davom ettirish ya’ni 
yumshoq va yengil vositalardan boshlab, qattiqroq parametrlarga o‘tish 
talab etiladi. Badanni chiniqtirish muntazam tarzda olib borilishi kerak: 
chiniqtiruvchi protseduralardagi uzilishlar, uni yangitdan boshlash ke-
rakligini ko‘rsatadi.  Chiniqtiruvchi vositalardan kompleks foydalanil-
gandagina eng yuqori samaradorlikka erishish mumkin.