F. I. Salomova, L. K. Abdukadirova, X. A. Sadullayeva, S. A. Sharipova mutaxassislikka kirish

3. Kommunal gigiyena fani haqida tushuncha. 
Kommunal gigiyena bo‘limining tekshiruv ob’yektlari  
haqida tushuncha 
 
  
Ilmiy texnikaviy taraqqiyot jamiyat hayotida yangi  masalalarni 
yuzaga keltirib, jamiyat va tabiat o‘rtasidagi munosabatlarni tubdan 
o‘zgartirib bormoqda.  
Shu sababli, aholining salomatligiga va sanitariya turmushiga tashqi 
muhit omillarining salbiy ta’sirini  o‘rganish, unga har tomonlama baho 
berish - kommunal gigiyena fanining asosiy maqsadi  hisoblanadi.  
Commune  -  fransuz tilidan jamoa, odamlar o‘rnashgan joy ma’no-
sini bildiradi (aholi turar joylari gigiyenasi, shahar, ishchi shaharchalar 
va qishloqlar).  
Hygienos – grekcha so‘zdan olingan bo‘lib, salomatlikka ko‘makla-
shuvchi, salomatlik keltiruvchi ma’nosini beradi.  
Kommunal gigiyena  -  insonga tabiiy va antropogen omillarning 
salbiy ta’sirini  o‘rganadigan va shular asosida gigiyenik me’yorlarni, 
hamda sanitariya qoidalarini ishlab chiqadigan fan bo‘lib, bu qoidalarga 
rioya qilish salomatlikni ta’minlaydi va aholi sanitariya turmush shart-
sharoitlarini yaxshilaydi.  
Kommunal gigiyena atrof-muhitning ifloslanishining oldini olish va 
bartarf etishga, uni sog‘lomlashtirishga, aholining kasallanishining ol-
dini olishga va kamaytirishga qaratilgan sanitariya-gigiyenik va sani-
tariya  -  epidemik tadbirlarni ishlab chiqishga va amalda qo‘llanishini 
nazorat qilishga tatbiq qilinishining ilmiy asosi hisoblanadi.  
Kommunal gigiyena -  fan sifatida o‘zining oldiga uchta asosiy 
masalani qo‘ygan: 
1. Aholi turar joylaridagi tashqi muhitning inson salomatligiga ta’si-
rini o‘rganish.  
2.  Aholi yashash joylarni sog‘lomlashtirish, obodonlashtirish (suv 
ta’minoti, kanalizatsiya, ko‘kalamzorlashtirish va h.k.) va optimal sha-
roitga keltirish uchun zaruriy sanitariya me’yor va profilaktik chora-
tadbirlarni ishlab chiqish.  
3. Kommunal gigiyena sohasida sanitariya qonunlarining asoslarini 
ishlab chiqish.  
 

---

116