Ёнfин хавфсизлиги

Учқун таъсири натижасида ёнғин чиқиши эҳтимолини кўриб чиқиш шарт-шароитлари / 2; 6; 7/

Учқун таъсири натижасида ёнғин чиқиши эҳтимолини кўриб чиқиш учун қуйидаги шарт-шароитлар бўлиши талаб қилинади:
1) учқунланиш факти, унинг вақти ва давомийлиги, шунингдек унинг хусусиятлари аниқланиши зарур;
2) учқунлар тегишли объектга етиб бора олиши зарур. Ёнғиннинг келиб чиққан жойига учқуннинг тушиши учун қулай имконият туғдирган шароитнинг мавжудлигини ёки бундай шароитнинг йўқлигини, шунингдек учқуннинг ёнғин ўчоғига етиб боришига тўсқинлик қилиши мумкин бўлган шарт-шароитлар тадқиқот қилинади;
3) материаллар, моддалар, иншоот қисмлари ёки буғ- ва газ-ҳаво аралашмалари бундай учқун таъсири остида алангалана олиши зарур.
Айтиб ўтилган шартлардан ҳеч бўлмаганда биттасининг мавжуд бўлмаслиги ҳам ёнғиннинг учқундан келиб чиққанлиги тусмолини истисно қилади.
Ёнғиннинг учқундан пайдо бўлганлиги эҳтимолини баҳолаш чоғида вақт омилини эътиборга олиш катта аҳамиятга эга. Ёнғиннинг келиб чиқиши ва ундан олдинги ҳолатларни таҳлил қилиб, ёнғин тахминан қайси вақт оралиғида ривожланганлигини, яъни учқуннинг ёнувчан материалга тушганидан бошлаб унинг пайқалган пайти оралиғидаги вақт ҳам аниқланиши зарур. Бу тусмолнинг фойдасига ҳал қилинган хулосалар ёки уни инкор этган ҳолатларнинг барчаси эътиборга олиниши керак.
Ёнғин ўчоғи ёки у пайдо бўлган ҳудуд аниқланганидан кейин учқунланиш тусмолини бошқа эҳтимоллар билан бир қаторда таҳлил қилиш керак.

45. 
    Чекиш ва ёритиш пайтида олов билан эҳтиётсиз муомалада бўлиш натижасида ёнғин чиқиши эҳтимолини текшириш учун асосий саволлар рўйхати / 2; 6; 7/
    

Чекиш ва ёритиш пайтида олов билан эҳтиётсиз муомалада бўлиш натижасида ёнғин чиқиши эҳтимолини текшириш учун қуйидаги саволларга жавоб топиш зарур бўлади:
Эҳтиётсизлик орқасида сигарета чекиш натижасида:
1) ким, қаерда, қачон, айнан нима ва қайси вақт давомида чекди;
2) чекувчининг шахси ва унинг чекиш пайтидаги руҳий ҳолати;
3) чекувчи ва ёнғин ўчоғининг ўзаро жойлашуви ҳолатлари (чекувчига нисбатан: тахминий, эҳтимолий аниқликда, аниқ);
4) ёнувчан муҳитнинг тавсифи ва аниқланган ёнғин ўчоғида ёниш учун шарт-шароитнинг мавжудлиги;
5) ёнғинни пайқаш учун шарт-шароитлар, чекиш пайтида ва ундан кейин бошқа одамларнинг у ерда мавжуд бўлишлари ёки йўқлиги, яширин тутаб ёниш эҳтимоли ва унинг давомийлиги, ёнғиннинг ташқаридан пайқалиши имкониятлари (дераза ва бошқа тешиклар, тутун чиқадиган йўллар ва тешиклар);
6) қачон, қаерда, ким томонидан ва қайси аломатлар (белгилар) бўйича ёнғин пайқалди.