Давлат божхона хизмати органларига

КОНТРАБАНДА ЖИНОЯТИНИ СОСТАВИ
Ушбу жиноятнинг объекти Ўзбекистон Республикасида ўрнатилган тартиб, яъни кучли таъсир қилувчи, заҳарли, заҳарловчи, радиоактив, портлович моддалар, портлатиш қурилмалари, қурол-яроғ, ўқ-дориларни, гиёвандлик ва психотроп моддаларни, диний экстремизм, сепаратизм ва ақидапарастликни тарғиб қилувчи материалларни, ядровий, кимёвий, биологик ва оммавий қирғин қуролнинг турларини олиб кириш ва чиқиш, божхона идораларида расмийлаштиришни бузиш, божхона декларацияларини қалбакилаштириш.
Объектив томондан жиноят Ўзбекистон Республикаси божхона чегарасидан ўтказиш ёки ўтказишга суиқасд қилиш орқали содир этилади.
Жиноятнинг субъекти 16 ёшга тўлган ақли роса жисмоний шахс, Ўзбекистон Республикаси фуқароси, чет эл фуқароси ёки фуқаролиги йўқ шахс бўла олади.
Субъектив томондан жиноят қасддан содир этилади.

“ЗАРАР” ВА “МИҚДОР” ТУШУНЧАЛАРИ

- “Кўп бўлмаган зарар – энг кам ойлик иш ҳақининг 30 бараваридан 100 бараваригача бўлган миқдордаги зарар”;
- “Анча миқдор – энг кам ойлик иш ҳақининг 100 бараваридан 300 бараваригача бўлган миқдор”;
- “Анча миқдордаги зарар – энг кам ойлик иш ҳақининг 100 бараваридан 300 бараваригача бўлган миқдордаги зарар”;
- “Кўп миқдор – энг кам ойлик иш ҳақининг 300 бараваридан 500 бараваригача бўлган миқдор”;
- “Кўп миқдордаги зарар – энг кам ойлик иш ҳақининг 300 бараваридан 500 бараваригача бўлган миқдордаги зарар”;
- “Жуда кўп миқдор – энг кам ойлик иш ҳақининг 500 баравари ва ундан ортиқ бўлган миқдор”;
- “Жуда кўп зарар – энг кам ойлик иш ҳақининг 500 баравари ва ундан ортиқ бўлган миқдордаги зарар”.


КОРРУПЦИЯ
Давлат хизматида бўлиб туриб, ундан ғаразли мақсадларда шахсий мақсадларда фойдаланиш, порахўрлик ва таъмагирлик билан шуғулланиш, хуфёна иқтисод ва уюшган жиноятчилик билан тил бириктириш.


ЭКСТРЕМИЗМ
Амалдаги қонун, тартиблардан четга чиқиш ва қонунга хилоф ҳаракатлар билан ҳокимият ва мансабдор шахсларни у ёки бу ҳаракатларни содир этиш ёки этмасликдан тийиб туришни, куч ишлатиш ва қўрқитиш асосидаги формаси.


ДИНИЙ ЭКСТРЕМИЗМ
Мавжуд қонун чегарасидан, асрлар давомида пайдо бўлган диннинг тартиб қоидаларидан чиқиб бузғунчилик, дин ниқоби остидаги террорчилик йўлига ўтиш.


МАНФААТЛАР ТЎҚНАШУВИ
Давлат органи ходими ўз вазифасини бажариши ёки бажармаслиги билан шахсий ёки унга яқин бўлган шахсларнинг манфаатлари хизмат манфаати билан бир-бирига тўқнаш келиши, ходим холис қарор қилиши мураккаб бўлган ҳолат.