Darsning texnologik xaritasi mavzu

Uyga vazifa: 127-mashq

Ko’rildi: _________________________15. 10.2016

IBM mudiri:____________ A. Mamataliyev

V “A” “B” “D” sinf Ona tili № 35

Mavzu: EGA

Darsning maqsadi:

Ta'limiy maqsad - ega haqida ma'lumot berish;

Tarbiyaviy maqsad - keksa avlod vakillariga nisbatan hurmat va ehtiromni tarbiyalash;

Rivojlantiruvchi maqsad - yozma nutqni o'stirish.

Darsning jihozi: ega va kesim munosabati ifodalangan chizmalar (plakat, kodoskop, multimediyada).

Darsning rejasi:

1. 
   Ega haqida ma'lumot.
   
2. 
   Ega va kesim orasida tirening ishlatilishi.
   

Darsning borishi:

1.Tashkiliy qism:

a)salomlashish

b)davomatni aniqlash

2. Uy vazifasini so’rash va baholash.

3.Mustahkamlash.

1.Fe'l kesim va ot kesim ishtirok etgan ikkita gap tuzing.

2.Fe'l va ot kesimlarning o'zaro farqini ayting.

4.Yangi mavzu:

Egani tushunish, gapda uni topish o'quvchilar uchun qiyinchilik tug'dirmaydi, chunki 3-sinfdan boshlab bu bo'lak o'rganiladi. Darslik-dagi qoidalar o'zlashtirilgach, ikki gap misolida ega tahlil qilinadi.

Sobir bog'da ishladi. Kuzda daraxtlar barglarini to'kadi. Tahlil uchun savollar:

1. Bu gaplardagi egani toping. (Sobir, daraxt­lar).

2. Egalar qaysi bo'lakka bog'lanyapti? (kesimga: Sobir ishladi, da­raxtlar to'kadi)

3. Qaysi so'roqlarga javob bo'lyapti? (kim? nima?)

4.Egalar qaysi kelishikda qo'llanyapti? (bosh kelishikda)

Javoblar umumlashtirilib, eganing quyidagi belgilari daftarga yoz-dirib qo'yiladi:

1. Ega asosan gapning boshida keladi.

2. Ega kesimga bog'lanadi.

3. Kim?, nima?, qayer? so'roqlariga javob bo'ladi.

4.Doimo bosh kelishikda qo'llanadi.

Agar ega ot so'z turkumi bilan ifodalangan ot-kesim bilan bog'lansa, ega bilan kesim orasiga tire qo'yiladi. Kesim bo'lib kelgan ot tarkibida -man, -san, -miz, -siz, -dir qo'shimchalari bo'lsa, tire qo'yilmaydi. Sinf taxtasiga ikki ustunga qiyoslab yozish mumkin.