Darsning maqsadi: Ta`limiy

Yangi mavzu bayoni:

Komillik kamolotga yetish, ya’ni mukammal bo’lishdir. Insonning jismi va ruhiyati bir-biri bilan shunchalik bog’liqki, jismdagi kamchilik ruhiyatga, ruhiyatdagi kamchilik esa jismga ta’sir etib turadi. Shuning uchun ota-bobolarimiz duo qilganda, “ Tani joning sog’ bo’lsin” tilak bildirganlar. Ba’zida har tomonlama sog’lom bo’lib tug’ilgan inson noto’g’ri tarbiya oqibatida ham jismonan, ruhan majruh bo’lib qolishi mumkin. Jismning kasalligi tana a’zolarining har xil og’riqlariga duchor bo’lishiga ko’rinsa , ruhning illati odamning yolg’onchilik, loqaydlik, dangasalik, johillik, manmanlik kabi yomon odatlariga namoyon bo’ladi. Jism va ruh ham doimo parvarishga muhtoj. Shu bois insonning sog’lom va barkamol rivojlanishida tarbiya bosh masala hisoblanadi.

Sog’lom farzand - jamiyatning bebaho boyligi. Chunki inson sog’lom bo’lsagina iste’dodi, aqli , g’ayrati bilan Vataniga xizmat qila oladi.Shu bois o’z kelajagini o’ylaydigan jamiyat yosh avlodning jismoniy va ma’naviy kamoloti xususida qayg’uradi. Sog’lom turmush tarsi deb, jaholat va xurofotdan, zararli odatlardan xoli bo’lgan, ilm, ma’rifat, sport vositasida o’zini o’zi tarbiyalab boradigan,inson, oila, jamiyatning kamol topishiga xizmat qiladigan hayot shakliga aytiladi.Inson o’zini-o’zi tarbiyalash uchun unda kuchli iroda bo’lishi lozim.