Buyrug‘i maktabgacha ta’limga qo‘yiladigan davlat talablarini tasdiqlash haqida

2-§. O‘qish va savod malakalarini egallash
284. Quyidagilar 5 yoshdan 7 yoshgacha bo‘lgan bolalarda o‘qish va savod malakalari
rivojlanishining talablari hisoblanadi:
bosma materiallarga qiziqish bildirish, harflar va ramzlarni ajrata olish;
yozish ko‘nikmalarini o‘rganish;
oddiy tahlil va sintez qilish ko‘nikmalarini rivojlantirish.
285. Quyidagilar 5 yoshdan 7 yoshgacha bo‘lgan bolalarda o‘qish va savod malakalari
indikatorlari hisoblanadi:
ko‘p vaqt davomida kitob bilan o‘tirib, uni tomosha qilish, kitobni to‘g‘ri holatda
ushlash;
ayrim ma’lumotlarni yig‘ish uchun kitoblardan foydalanish;
bir necha mashhur asarlar va adabiy qahramonlarni aytib berish;
adabiy asarlarning ayrim parchalarini so‘zlab berish;
alifboni bilish;
bo‘g‘inlar bo‘yicha o‘qishi mumkinligi;
ilmoq, gajak, chiziqchalar, tayoqchalar kabi yozish elementlarining barchasini bilish;
yozish ko‘nikmalarini o‘rganish;
namunadan 2-3 ta so‘zlarni olib yozish va chizish;
o‘z ismini va 2-3 ta so‘zlarni bosma harflarda mustaqil ravishda yozish;
gapni so‘zlarga, so‘zlarni bo‘g‘inlarga bo‘lish;
ma’lum tovushlarning o‘rnini aniqlay olish;
so‘zda tovushlar ketma-ketligini aniqlash;
bo‘g‘inlardan so‘zlar, so‘zlar ishtirokida gap tuza olish;
tovushlarni eshitib farqlay olish.
286. 5 yoshdan 7 yoshgacha bo‘lgan bolalar ta’limiga quyidagicha yondashish lozim:
bolaga kitoblar berish, kitobni to‘g‘ri yo‘nalishda ko‘rishga odatlantirish;
bolani uni qiziqtiradigan ma’lumotlarni rasmlar bilan bezatilgan kitoblardan topishga
yo‘naltirish;

---

bolaga kitoblar to‘g‘risidagi ma’lumotlarni berish;
bolaning atrofida mavjud buyumlarni ramziy nomlash bo‘yicha harflar bilan maxsus
o‘yinlarni o‘tkazish;
bolalar uchun mo‘ljallangan namunalarda harflar yoki so‘zlarni chizish va bolaning
mustaqil yozishini rag‘batlantirish hamda kuzatish;
bolani o‘z harakatlari va hissiyotlarini tasvirlashga o‘rgatish;
bolaning turli qahramonlarga maktub “yozishi” va “olishiga” yordam berish;
bolaning rasm chizishini rag‘batlantirish va rasmlarni unga ma’lum obyektlarda
chizishga ko‘rsatma berish.
287. 5 yoshdan 7 yoshgacha bo‘lgan bolaning xavfsiz yashashi va harakatlanishi uchun
quyidagilarga rioya qilish lozim:
kitoblarning estetika talablariga javob berishiga e’tibor qaratish;
yozuv-chizuv jihozlarini ularning texnik parametrlariga qarab xarid qilish.