Buyrug‘i maktabgacha ta’limga qo‘yiladigan davlat talablarini tasdiqlash haqida

2-§. Mayda motorikani rivojlantirish
260. Quyidagilar 5 yoshdan 7 yoshgacha bo‘lgan bolalarda mayda motorika
rivojlanishining talablari hisoblanadi:
qo‘llari va barmoqlarining harakatlarini nazorat qila olish;
umumiy foydalanishda bo‘lgan o‘yinchoqlar va buyumlarni ishlata olish.
261. Quyidagilar 5 yoshdan 7 yoshgacha bo‘lgan bolalarda mayda motorika
rivojlanishining indikatorlari hisoblanadi:
bosma harflarda bir necha so‘zlarni, shu jumladan o‘z ismini tuzish;
kundalik faoliyatda ishtirok etish;
qog‘ozdan turli oddiy konstruksiyalarni yasash;
qaychini bir qo‘lida ushlab, belgilangan chiziqlar bo‘yicha qog‘ozni kesish;
kamida 16 ta bo‘laklardan shakl yig‘ish;
koptokni bir yoki ikki qo‘li bilan ilish va uni bir qo‘lidan boshqa qo‘liga irg‘itish;
mayda munchoqlarni ipga o‘tkazish;
maxsus idishlardan yelim, tish pastasi yoki bo‘yoqni siqib chiqarish;
suvni bir idishdan boshqa idishga to‘kmasdan quyish hamda og‘zi tor shisha idishga suv
quya olish;
cho‘mich bilan sho‘rvani yoki boshqa suyuqlikni likopcha yoki boshqa idishga solish,
turli materiallar bilan tajriba qilish;
mahkamlash usuli bilan eng oddiy modellarni yaratish.
262. 5 yoshdan 7 yoshgacha bo‘lgan bolalar ta’limiga quyidagicha yondashish lozim:
bolaning o‘z ixtiyoriga ko‘ra bajara oladigan faoliyatni amalga oshirishiga
ko‘maklashish;
koptokni bir qo‘l bilan ilib olishni ko‘rsatish;
qog‘ozni chiziqlar bo‘yicha kesishini rag‘batlantirish;
bolaga maxsus idishlardan mustaqil foydalanish va ularning ichidagilarini bir qo‘li
bilan siqib olishga ruxsat berish;
bolaning mustaqil ravishda poyabzalini kiyish va iplarini bog‘lashini rag‘batlantirish;
bolani ovqat tayyorlashda (xamir yoyish, stakanga suv yoki sharbat solishda) ishtirok
etishini rag‘batlantirish;
bolani bir idishdan boshqa idishga suyuqlik quyishini rag‘batlantirish;
bolani barmoqlar bilan maxsus mashqlarni bajarishni talab etadigan o‘yinlar,
o‘yinchoqlar va o‘quv materiallari bilan ta’minlash.
263. Bola qaychi va yelim bilan ishlayotganida, uning xavfsizligini ta’minlash lozim.

---