Buyrug‘i maktabgacha ta’limga qo‘yiladigan davlat talablarini tasdiqlash haqida

2-§. Hissiy rivojlanish
185. Quyidagilar 2 yoshdan 3 yoshgacha bo‘lgan bolalarda hissiy rivojlanish talablari
hisoblanadi:
bola o‘zining “men” tamoyilini rivojlantirishi;

---

bola boshqalarning his-tuyg‘ularini bilish va o‘z hissiyotlarini ifodalash qobiliyatiga ega
bo‘lishi.
186. Quyidagilar 2 yoshdan 3 yoshgacha bo‘lgan bolalarda hissiy rivojlanish
indikatorlari hisoblanadi:
barcha ishlarni shaxsan bajarishga harakat qilish. Bunda biror-bir harakat bajarib,
nafaqat o‘zining ismini aytish, balki “men” olmoshidan ham foydalanish;
erishgan yutuqlari (biror-bir ishni, jumladan rasm chizish, minora yig‘ishni tugatishi)
bilan faxrlanish;
unga yoqadigan narsani xarid qilishni qattiq talab qilish;
qiziqarli topshiriqni bajarish jarayonida xursand bo‘lish;
boshqalarning his-tuyg‘ularini bilish va o‘z hissiyotlarini ifodalash qobiliyatiga ega
bo‘lish.
187. 2 yoshdan 3 yoshgacha bo‘lgan bolalar ta’limiga quyidagicha yondashish lozim:
bolaning boshqa odamlar bilan muloqot qilayotganda o‘zini tanishtirishini
rag‘batlantirish;
har bir odamda uning shaxsiy ismi borligini hamda ularning orasidagi munosabatlarga
xos nomlar (oyi, dada, tog‘a, xola kabi) mavjud bo‘lishini tushunishga yordam berish;
bolaning dastlabki yutuqlari kichik bo‘lgan taqdirda ham uni maqtash;
bolaning notanish buyumlar bilan mashqlar bajarishini rag‘batlantirish;
bola bilan turli hissiyotlarni, ular qanday paydo bo‘lishini muhokama qilish;
bola xursand ekanligini his qilgan vaziyatni misol keltirish;
turli imo-ishorani ifodalovchi odamlar yuzlari aks ettirilgan rasmlarni bolaga ko‘rsatish;
bolaning boshqa bolalarning hissiyotlarini tushunishini rag‘batlantirish, undan xursand
yoki xafa bo‘lganida o‘zini qanday his qilishini so‘rash.
188. 2 yoshdan 3 yoshgacha bo‘lgan bolalar bilan munosabatlarda quyidagilarga rioya
qilish lozim:
bola “tanazzul” yoshida ekanligini hisobga olish;
bolaga nisbatan yagona talab qo‘yish;
bolaning asab tizimini himoya qilish.