Buxoro davlat universiteti pedagogika kafedrasi «umumiy pedagogika»

Oltinchisi  –  adolat  va  insof  bilan  tangrining  yaratgan  bandalarini  o’zidan    rozi 
qilganligidir.    Ettinchisi  –  sayyidlar,  ulamoyu  mashoyix,  oqilu  donolar,  muhaddislar, 
xabarchilar  (tarixchilar)ni  tanlangan,  darvish,  faqir  va  miskinlarni  e’tiborli  odamlar 
hisoblab, izzat-hurmatlarini jazm bilan ish tutganligidir. Sakkizinchisi – azmu jazm bilan 
ish  tutgan,  ya’ni  biror  ishni  amalga  oshirishga  qaror  qilgan  bo’lsa,  unga  butun  vujudi 
bilan  kirishib,  oxiriga  etkazgan.  Nimaiki  degan  bo’lsa,  unga  amal  qilganlarni  qo’llab-
quvvatlaganligidiryu To’qqizinchisi – raiyat ahvolidan ogoh bo’lganligi, ulug’larni og’a 
qatorida,  kichiklarini  farzand  o’rnida  ko’rganligidir.  O’ninchisi  –  turku  tojik,  arabu 
ajamning  turli  toifa  hurmat  ko’rsatilganligi  va  qolganlarini  ham  o’z  holiga  yarasha 
siylaganligidir.  O’n  birinchisi  do’stlarni  davlatu  ne’mat  martabasiga  erishganida  
unutmasdan  molu  mulk  va  naqd  pul  bilan  haqlarini  ado  etganligidir;  o’n  ikkinchisi  – 
do’st-dushmanligiga qaramay har joyda sipohiylarni hurmat qilganligidir. 
Amir  Temur  o’zi  kashf  etib  amalda  qo’llagan  tamoyillarining  keyingilarida,  biror 
kimsaga  nohaq  tuhmatu  g’iybat  qilsalar  quloq  solmaganligini,  biron  ishni  qilishga  qasd 
qilgan  bo’lsa,  butun  zehni,  vujudi  bilan  bog’lanib,  bitirmaguncha  undan  qo’l 
tortmaganligini, har neki degan bo’lsa, unga  amal qilganligini, ulug’larni og’a qatorida, 
                                                
40
Изоҳ:  Амир  Темурнинг  “Соҳибқирон”  унвонига  келсак,  бу  унвон  бўлғуси  жахонгирга  у  туғилмасдан  
турибоқ  дин  ахллари  томонидан    башорат  тариқасида  берилган.  “Соҳибқирон”  атамасининг  луғавий 
маъноси  –  “юлдуз  буржларининг  бахтли  келиши  (қирон)да  туғилган  фарзанд”  демакдир.  “Темурнома” 
муаллифининг таъкидлашича “қирон”- яъни юлдуз  буржларининг бахтли келиши ҳар саккиз юз йилда бир 
марта  содир  бўлади.  Инсоният  тарихиди:  “аввал”  Искандар  Зулқарнайн  хазратлари  афандимиз,  иккинчи 
Муҳаммад Расул акром саллалоҳу алайҳи васаллам сайиидимиз, учинчи Амир Темур Кўрагон хонимиз а шу 
соату сонияда дунёга  келганлар. Уларнинг таваллудларининг узоқлиги роппа-роса саккиз юз йилни ташкил 
қилади. 
Амир Темур ҳазратлари ҳурмат маъносида берилган “Қутбиддин” унвони – замона пешвоси, йўл кўрсатувчи 
авлиё, “Абулиансур” унвони эса – зафарманд, ғалаба қозонувчи деган луғавий маъноларни беради. 
41
Темур тузуклари. Т.: Ғ.Ғулом номидаги нашриёт – матбаа бирлашмаси, 1991. 53-бет. 

---

55 
 
kichiklarni farzand o’rnida ko’rganligini, yaxshilarga yaxshilik qilib, yomonlarni esa o’z 
yomonliklariga  topshirganligini,  kim  do’stlik  qilgan  bo’lsa,  do’stligi  qadrini 
unutmaganligini ta’kidlaydi. 
Amir Temurning buyukligi shundaki, u hech kimdan o’ch olish payida bo’lmagan, 
tuzini  tatib,  yomonlik  qilganlarni  Parvar-digori  olamga  topshirgan.  Sofdil  kishilar,  olim 
va  fozillarga  dargohi  ochiq  bo’lgan,  nafsi  yomon,  ko’ngli  buzuq  kimsalarni  esa  o’ziga 
yaqinlashtirmagan.  Har  kimning  qadr-qimmatini  amaliy  faoliyati,  odob-axloqi,  iymon-
e’tiqodiga qarab o’lchagan. 
Ana  shu  tariqa  sohibqiron  bobomiz  adolat,  qadr-qimmat,  or-nomus,  burch, 
mas’uliyat, vijdon, iymon-e’tiqod, halollik, fidoyilik singari ma’naviy-axloqiy qadriyatlar 
haqida  necha-necha  avlodu  ajdodlarga  dastur  va  yo’l-yo’riq  bo’lib  xizmat  qiladigan 
ta’limotlar yaratgan va hayotga shaxsan o’zi joriy etgan. 
Amir Temur, odob-axloq, iymon, e’tiqod, ta’lim-tarbiya sohasida o’zi yuksaklikka, 
mukammallikka  erishgan  siymolardan  biridir.  Bunga  ishonch  hosil  qilish  uchun 
bobomizning  o’zi  tomonidan  yaratilgan  odob-axloqqa  oid  dasturlar,  o’gitlar,  pand-
nasihatlarni, shuningdek, Sohibqiron haqidagi tarixiy asarlarni ko’zdan kechirish kifoya. 
«Tuzuki Temuriy» («Temur tuzuklari»), «Malfuzoti Temuriy» («Temurning aytganlari») 
va  «Voqioti  Temuriy»  («Temurning  boshidan  kechirganlari»)  nomi  bilan  jahonga 
mashhur bo’lgan asarlar, XV asr muarrixi Fosih Ahmad Havofiyning «Mujmali Fosihiy», 
Nizomuddin  Shoomiy  (tug’ilgan  va  vafot  etgan  yili  ma’lum  emas)  va  Sharafiddin  Ali 
Yazdiylarning  mashhur  «Zafarnomasi»,  ibn  Arabshoh  (1389—  1450)ning  «Ajoyib 
ulmaqdur  fi  axbori  Temur»  (Amir  Temur  haqidagi  xabarlarda  taqdir  ajoyibotlari), 
Salohiddin  ibn  Mullo  Aloiddin  xoja  Eshonning  (Salohiddin  Toshkandiy)  qalamiga 
mansub  «Temurnoma»  (Amir  Temur  ko’ragon  jangnomasi,  1908)  kabilar  shular 
jumlasidan.  Tarix  fanlari  doktori,  professor  Ashraf  Ahmad  Temurning  o’zi  amal  qilgan 
quyidagi sifatlarni yuksak baholaydi.