Boshlang’ich sinf darslarida buyuk ajdodlarimiz asarlari va ilg’or xorijiy tajribalardan

2-sinf “Oʻqish kitobi”darsligining “Otalar soʻzi- aqlning koʻzi” boʻlimida

• 2-sinf “Oʻqish kitobi”darsligining “Otalar soʻzi- aqlning koʻzi” boʻlimida
• bir qator hikoyalar berilgan. Jumladan, Maqsud Qoriyevning “Ibn Sinoning bolaligi” hikoyasi, Boʻriboy Ahmedovning “Amir Temur haqida hikoya” hikoyasi, Shorasul Zunnunning “Nima essang, shuni oʻrasan” hikoyasi, Xudoyberdi Toʻxtaboyevning “Ta’zir” hikoyasi, Zamira Ibrohimovaning “Kichkina Alisher” hikoyasi darslikdan oʻrin olgan. Bu hikoyalarning aksariyati xalqimizning buyuk ajdodalri haqidaligi bilan diqqatga sazovordir. Bular oʻquvchilarning buyuk ota-bobolarimiz toʻgʻrisidagi bilimlar bilan qurollantiradi. Masalan, “Ibn Sinoning bolaligi” hikoyasida Abu Ali Ibn Sinoning yoshlikdanoq ilmga chanqoqligi, adabiyotga qiziqishi va koʻplab gʻazal va she’rlarni yod bilib barchani hayron qoldirganligi tasvirlanadi. Yoki Z.Ibrohimovaning “Kichkina Alisher” hikoyasida mutafakkir alloma Alisher Navoiyning bolalik chogʻlari qalamga olinadi. Yosh Alisherning ziyrakligi va qoʻrqmasligi tasvirlanadi. Bu hikoyalarni oʻrganish darslarini tashkil qilish uchun avvalo hikoya oʻqish darsining qurilishi va uni tashkil qilish yoʻllarini toʻgri belgilash maqsadga muvofiq boʻladi.