Bolalar uchun tavsiya etilgan sport turlari (new)

Abdumavlon Rashidov

Turizm (Sayohat)

    Bunday harakat faoliyati har qanday tarafdan ma'qullanishga arziydi. Hatto oddiy toza havodagi sayr ham ushbu sport turiga kiritilishi mumkin. Agarda bola bilan har yakshanba toza havoga sayrga otlanish odat tusiga kirgan bo'lsa, bunday harakatni faqat ma'qullashdan o'zga fikr yo'qdir. Bola har safar sayrga otlanar ekan, unda ijobiy his-tuyg'ular to'lib toshadi, bu esa uning nerv tizimiga ijobiy ta'sir etadi. Sayr uchun kerakli narsalarni yig'ish ham bolada qaysidir ma'noda mas'uliyatlik hissini shakllantiradi. Bolani sayrga olib borishdan avval uning kiyimlariga albatta e'tiboringizni qarating. Eng avvalo oyoq kiyimlari qulay va havoga monand bo'lishiga, kerak bo'lsa issiq noskilarni kiygizishga, yomg'ir yog'ish arafasida bo'lsa, shu havoga mos kiyim va zontikni olishga e'tiboringizni qarating. Bir necha olma, buterbrod, ichimlik suvi olishni ham unutmang. Shunda sayrdan bola toza havodan nafas olishi bilan bir qatorda, uzoq vaqt qorni ochmasdan, zavq olib o'ynashdan bahramand bo'la oladi.

* * *

    Yana bir bolalar uchun mo'ljallangan sport turini taklif etish mumkin. Buning uchun maxsus qo'llanmalar talab etilmaydi. Undan har yakshanba sayrga otlanganingizda uyushtirishingiz mumkin. Unda turli harakatlarni qo'shishingiz mumkin. Tekis yo'lakni tanlaymiz, bu hiyobon yoki maydon ham bo'lishi mumkin. Yerning uzunligi 250 m bo'lgani ma'qul (oyoqlaringiz bilan taxminan o'lchab chiqishingiz mumkin). Demak, yo'lda to'siqlar ham qo'yishingiz mumkin, bolalar undan sakrab o'tishlari lozim. Ushbu sport turi uchun maxsus stadion shart emas, lekin bo'lsa halaqit qilmaydi. Buning uchun boladan maxsus jismoniy tarbiya ham talab etilmaydi. Ishtirokchilarning soni chegaralanmaydi.

    Yo'ldagi to'siqlardan bolalar sakrab o'tishlari lozim. Toshlardan ham to'sqinliklarni yasashingiz mumkin, bunda bolalar o'z muvozanatini yo'qotmasdan o'tishlari lozim. Xullas qolgani sizning tasavvuringizga bog'liqdir. Har qanday shohlar bo'lsa ularda biroz osilib turishlarni ruxsat etishingiz mumkin, toshlarni esa kim uzoqqa ota olishini ham kiritishingiz mumkin. (Albatta, barchasi katta odmning nazorati ostida bo'lishi kerak). Agar bunday "chempionat"da ishtirok etuvchilar ko'p bo'lsa, u holda haqiqiy sport musobaqasini uyushtirishingiz mumkin.