Bolalar adabiyoti o‘zbekiston respublikasi oliy va o‘rta maxsus ta’lim vazirligi

STOL KELGAN QAYERDAN?
Olgin-da, daftar, kitob,
Stolga o‘tir bir dam.
Qani, buni o‘ylab top:
Stol kelgan qayerdan?
Bordir qarag‘ay hidi,
Kelgan o‘rmon tomondan.
Stol qarag‘ay edi,
Bizga kelgan o‘rmondan.
Oldin o‘rmon ichida
Qarag‘ay bo‘lgan chindan.
Tanasidan-chi doim
Tomgan yaltiroq yelim.
Hozir pol uning joyi,
Oldin yashardi yerda.
O‘rmonda turgan ko‘p yil,
Shoxlarin silkib yelda.
www.ziyouz.com kutubxonasi

---

3 1 4
Uning ildizi tagin
Bo‘rsiq qilgan edi in.
Ko‘klamgi selga dovur
Xirillab qilgan huzur.
Olmaxonni ham ko‘rgan
Stol o‘rmon ichida.
U xo‘p tarmashib yurgan
Qarag‘ay tepasida.
Zog‘cha qushlar gohida
O‘ynashgan o‘z shoxida
Ular sayrashni tongda
Xo‘p eshitgan o‘rmonda.
Tanasin issiq arra
Kesib qo‘ydi ko‘p o‘tmay.
Xo‘rsinib so‘nggi karra
Qulab tushdi qarag‘ay.
Sohilda taxta tilar —
Joyga uni eltdilar.
Xodadan taxta bo‘lar,
So‘ng ustaxona jo‘nar.
U ustaxonadayoq,
Bo‘lib qoldi to‘rt oyoq,
Ustalarning qo‘lidan
Chiqqan bo‘ldi keng, pishiq.
Shoxlarining o‘rnidan
Sal ko‘rinar ko‘z, chiziq,
Uyning ichida endi —
Devor yonida turar.
Ko‘rsa qarag‘ayini
Bo‘rsiq tanimay qo‘yar,
Bu stol borib qolsa,
To‘rt oyoqlab o‘rmonga¾
Lekin o‘rmonga bormas,
Biz bilan yashar faqat.
Har kun, har yil, har nafas
Biz uchun qilar xizmat.
Unda turar siyohdon,
Daftar yotadi unda.
www.ziyouz.com kutubxonasi

---

3 1 5
Ishlaymiz kunduz ravon,
Kitob o‘qiymiz tunda.
Chizma yoyaman bunda,
Vaqti kelganda bir kun —
Chizmalar yarar chindan
Samolyot qurish uchun.