Bektosheva Farangiz abdulla qodiriyning o`tgan kunlari va

"Oʻtgan kunlar"dan ham ziyoda asar

Uy burchagidagi temir sandiqda Qodiriyning tugallanmagan asarlari saqlangan ekan.

Sandiq keyinchalik qoʻlyozmalari bilan koʻmib tashlangan.
Irfon akaning aytishicha, sandiqda Abdulla Qodiriyning nashr etilmagan "Amir Umarxonning kanizi" nomli asarining homaki varianti boʻlgan.
"Kunlardan bir kun otam, qoʻlyozmalar qay axvolda ekanligini tekshirib koʻrish maqsadida sandiqni kovlab oladi. Taqdirni qarangki, aynan oʻsha kuni uyimizga bostirib kirib, otamni qoʻlga oladilar. Otam bilan birga bobomni qoʻlyozmalarini ham olib ketishgan. Bilsangiz oʻsha vaqtlarda qogʻoz tanqis boʻlgan, shundanmi yoki boshqa sababmi otamni qiynoqlar bilan soʻroq qilishganda uning har bir soʻzlarini bobom qoʻlyozmalarining orqa boʻsh oq tarafiga qayd qilganlar. Yana soʻroq qilish chogʻida askar oʻsha qoʻlyozmalarga maxorka oʻrab chekkan va otamga ham uzatgan. Azobli bir yil davom etgan qiynoqlarda butun qoʻlyozmalar shu zayl maxorka boʻlib kul boʻlgan. Agar, birov "Abdulla Qodiriyning chop etilmagan asarini topdim," desa ishonmang. Soʻnggi qoʻlyozmalar taqdiri shunday kechgan ular saqlanib qolinmagan", deydi afsus bilan Irfon aka

Maxorka qilib chekilgan qoʻlyozmalarda Irfon akaning aytishicha Qodiriyning yana bir durdona asari boʻlgan.

U tarixiyligi va voqealarining qiziqligi hamda bayon qilish sanʼati bilan avvalgi "Oʻtgan kunlar", "Mehrobdan chayon" asarlaridan ham ziyoda boʻlgan.

Bobom "Agar "Amir Umarxonning kanizi" asarlari bitib, eʼlon qilinsa, odamlar "Oʻtgan kunlar", "Mehrobdan chayon"ni oʻqimay qoʻyadi", degan ekanlar.

Asar haqida otam 1985 yilda "Toshkent oqshomi" gazetasida maqola chop ettirganlar.

Unda Xudoyorxonning kanizining taʼrifini eshitib, oshiq boʻlib, qoʻshin tortib borgan Xon haqida hikoya qilinadi..."