Axborot texnologiyalari va kommunikatsiyalari sohasini yanada takomillashtirish chora-tadbirlari to‘g‘risida

Moliyaviy xizmatlar. Iqtisodiyotda mijozlar bilan ishlashni osonlashtirish, ularga qulayliklar va zamon talabiga mos xizmatlar taklif etish maqsadida koʻplab tizimlar ishlab chiqilmoqda. Internet doʻkonlari, Onlayn Banking xizmatlari bu sohada alohida oʻrin egallagan. Bank oʻz mijozlari uchun masofadan turib uning hisobidagi mablagʻni bir hisob raqamidan boshqa hisob raqamiga oʻtkazish, valyuta ayriboshlash, toʻlovlarni amalga oshirish, omonatlarni bankka joylash, kredit ochish va kreditlarni qoplash xizmatlarini hozirda onlayn tarzda amalga oshishni yoʻlga qoʻygan va bu aholi uchun sezilarli qulayliklar yaratadi.
Yurtimizda axborot texnologiyalarini keng joriy qilish va rivojlantirish borasida olib borgan siyosati yaxshi natijalar ko’rsatmoqda. Xususan 2018 – yilgi statistikalarga qaraganda:
– Internet tarmog‘ining milliy segmentini rivojlantirish yo‘nalishida amalga oshirilayotgan ishlar natijasida “UZ” domenidagi domen nomlari soni 30 168 tani (o‘sish 119%) tashkil etdi. uMail.uz milliy elektron pochta tizimi foydalanuvchilari soni 398 500 dan ortdi (o‘sish 151%);
– Dasturiy ta’minot vositalari ishlab chiquvchi 360 ta korxona tomonidan 1 728 dan ziyod dasturiy mahsulotlar ishlab chiqarilgan. Shundan 818 tasi ijtimoiy soha va ta’lim yo‘nalishida, 249 tasi iqtisodiyot va moliya yo‘nalishida, 244 tasi ishlab chiqarish va boshqa yo‘nalishlarga bo‘linadi;

6-rasm. O’zbekistonda AKTdan foydalanish statistikasi. (2018-yil 1 – yanvar bo’yicha)
– Milliy axborot-kommunikatsiya tizimini rivojlantirish Kompleks dasturini bajarish doirasida elektron hukumat axborot tizimlari komplekslari va markaziy ma’lumotlar bazalarini yaratish bo‘yicha ko‘zda tutilgan loyihalarning 14 tasi (Yagona interaktiv davlat xizmatlari portali, “Xarid”, “Soliq”, “Bojxona”, “Byudjet”, “Nafaqa”, “Kliring”, “Litsenziya” axborot tizimlari komplekslari, Idoralararo integratsion platforma, Yagona identifikatsiya tizimi, jismoniy va yuridik shaxslar, avtotransportlar ma’lumotlar bazalari, ma’lumotnomalar registri) joriy qilindi;
– Umumiy o‘rta ta’lim, o‘rta maxsus ta’lim, oliy ta’lim yo‘nalishidagi 11 325 ta ta’lim muassasasidan 10 620 tasi (93,8%) ZiyoNET tarmog‘iga ulandi, ZiyoNET tarmog‘i resurslari soni 130 000 dan ortiqni (o‘sish 119%) tashkil etdi;
– Barcha davlat hokimiyati va boshqaruvi organlarining rasmiy veb-saytlari yaratildi;
– 295 ta davlat axborot resurslari, 499 ta davlat axborot tizimlari joriy etildi;
– Amaldagi elektron raqamli imzo kalitlari 1 720 ming donaga yetdi.

7-rasm. O’zbekistonda AKTdan foydalanish statistikasi. (2018-yil 1 – yanvar bo’yicha)
1.2. Xalqaro loyihalarni boshqarish. O’zbekiston Erasmus+ milliy ofisi vazifalari va xalqaro loyihalar monitoringi
Bugungi kunda davlatning rivojlanishi, aholi turmush tarzining yaxshilanishi, ishlab chiqarish sektorlarining kengayishi, fan sohasidagi yangi choʻqqilarni zabt etish global masala hisoblanadi. Shu va shunga oʻxshash masalalarni hal etish maqsadida jamoalar va loyihalar koʻpayib bormoqda. Ushbu loyihalarda bir yoki bir nechta tashkilot, xomiylar va koʻngillilar birgalikda oldinga qoʻyilgan masalani hal etish uchun intilishadi. Loyihalar katta maqsadlarga yoʻnaltirilgan va ularni amalga oshirish uchun hamjihatlikda harakat qilish va vaqt talab etiladi.
Agar koʻtarilayotgan masalaning yechimi bir necha davlat uchun foydali boʻlsa yoki ushbu masalani hal etish uchun boshqa davatlardan koʻmak zarur boʻlsa, bunday holatlarda masalani hal etishga qaratilgan loyiha xalqaro loyiha sifatida tan olinadi. Demak xalqaro loyiha bu har xil davlat tashkilotlari yoki jamoalari bilan birgalikda amalga oshiriladigan va barcha taraflar uchun foydali boʻlgan maqsadlar majmuasidir.
Xalqaro loyihalardan ko’zlanadigan maqsadlarga quyidagilarni misol qilish mumkin :

1. 
   Xalqaro hamkorlikdagi aloqalarni o’rnatish
   
2. 
   Rivojlangan davlatlar bilan iqtisodiy aloqa qilish
   
3. 
   Sog’liqni saqlash masalasida hamkorlikda ishlar olib borish
   
4. 
   Katta hajmda mahsulotlar ishlab chiqish
   
5. 
   Talimda talaba va o’qituvchilar almashinuv dasturlarini bajarish
   
6. 
   Xalqaro konferensiyalar olib borish
   
7. 
   Global muammolarni hal etish
   
8. 
   Ilmiy ishlar olib borish va h.k.
   

Bugungi kunda yurtimizda koʻplab xalqaro loyihalar amalga oshirildi va koʻplab loyihalar davom ettirib kelinmoqda. Muhammad Al-Xorazmiy nomidagi Toshkent Axborot Texnologiyalari Universiteti rasmiy saytining maʼlumot berilishicha universitetda quyidagi xalqaro loyihalar amalga oshirib kelinmoqda :
1-jadval. Muhammad Al-Xozarmiy nomidagi TATU xalqaro loyihalari

№