Axborot kommunikatsion texnologiyalar

4.1-rasm. WinRar da arxivlash jarayoni 
 
Fayl va papkalarni uzuluksiz arxivlash deganda, ularni faqat  RAR formatida, 
maxsus  usulda  bitta  ma’lumotlar  ketma-ketligi  sifatida  qaralib  zichlashtirishga 
aytiladi. Bu bilan zichlash samaradorligi ancha yuqori bo‘lishiga erishiladi. Ammo 
bunday arxivlashning kamchiliklari ham bor, masalan: 
-  ularni  yangilash,  ya’ni  orasidagi  biror  faylni  yangisi  bilan  almashtirish, 
oddiy arxivlashdan ko‘ra sekinroq amalga oshiriladi; 
- biror faylni arxivdan chiqarish uchun barcha oldinroqda turganlari tekshirib 
chiqiladi,  agar  ulardan  birortasi  buzilgan  bo‘lsa,  u  holda  arxivdan  umuman 
chiqarib bo‘lmaydi; 
Bunday arxivlash usulidan quyidagi hollarda foydalangan maqsadga muvofiq: 
- arxivni kamdan-kam yangilansa; 
-  arxivdagi  fayllardan  bir  yoki  bir  nechtasini  tez-tez  chiqarib  turish  zarurati 
bo‘lmasa; 
- zichlash samaradorligi zichlash tezligidan muhimroq bo‘lsa. 
Bu  arxivlovchi  dastur  xar  ikkala  formatda  ham,  kompyuterda  WinRar 
arxivatori  bo‘lmasa  ham  o‘zini-o‘zi  ocha  oladigan  SFX  ko‘rinishidagi  .exe 
kengaytmali arxiv fayllari yaratish imkonini beradi. Shuning uchun uni to‘g‘ridan-
to‘g‘ri  ishga  tushirish  orqali  ochish  mumkin.  Bu  holda  barcha  fayllar  arxivdan 
chiqadi. 

---

71 
Bundan  tashqari  arxivlangan  fayllarni  parol  bilan  himoyalab  qo‘yish,  fizik 
buzilgan  fayllarni  qayta  tiklash  va  boshqa  ko‘pgina  amallarni  bajarish  imkonini 
yaratib  beradi.  Bugungi  kunda  o‘nlab  arxivator  -  dasturlari  mavjud  bo‘lib,  ular 
asosan  imkoniyatlari,  funksiyalari  hamda  ish  rejimlari  bilan  bir  -  biridan  farq 
qiladi.