|
“Аллоҳ
жўмарддир,
жўмардларни яхши кўради”
. Ушбу ҳикматнинг маъносини энди тушунгандекман.
Чунки унга нисбатан муҳаббатим минг чандон ортди. Аллоҳнинг оддий бир қули шунчалик
таъсирланиб, меҳри товланган экан, Холиқнинг яхши кўришини тасаввур қилиш қийин.
Машаққатли сафар ортда қолиб, Ироққа кириб келдик. Катта жоме масжидида
пешинни ўқиб, илм мажлисига бордик. Асрни ўқиб бўлгач, тунашга жой қидирдик. Мен
маҳаллий аҳолини бунчалик меҳмондўст деб ўйламагандим. Исломнинг гўзаллиги,
адолатлилига, тенглик дини эканига яна бир бор амин бўлдим. Марвдаги мусулмонлар
қандай одобли бўлса,
маҳаллий халқ
ҳам шундай гўзал
ахлоқли эди. Биз бошқа мамлакатга
келганимизни ҳис қилмадик. Гўё узоқ
айланиб яна Марвга келгандек. Сиз табиати
ўхшамайди дерсиз. Ҳақсиз, аммо қалб яқин бўлса, инсонлар бир
-
бирини тушунса, бошқа
омиллар иккинчи даражали бўлиб қолаверади. Хуфтон намозини ўқигач, у билан узоқ
суҳбатлашдик.
-
Абдусалом энди мен тижорат қилишим керак.
-
Сармояни қаердан олмоқчисан?
-
Аллоҳ
меҳрибон. Сармоя чўнтакда эмас мияда бўлади.
-
Сен доим мени лол қолдирасан. Аммо бу сафар ростдан ҳам аҳволимиз танг.
Чиндан ҳам савдо қилишимиз керак.
-
Бомдоддан кейин катта бозорга тушамиз.
-
Яхши, аммо пулни қаердан оламиз? Қарз олишга таниш бўлмаса, отни сотай
десак, ўзи биттагина от. Уни ҳам сотсак, узоғимизни яқин қиладиган воситадан
айриламиз.
-
Таваккул қил, Худонинг Ўзи йўл кўрсатади. Яхши дам ол.
Мен дам олишга қанча ҳаракат қилмай, тирикчилик ташвиши устун келиб уйқумни
қочиради. Таваккал қилиб уйқуга кетдим. Тушимда олтин
-
кумуш хазон бўлиб ётган жойда
уларни тепкилаб юрибмиз. Абдуллоҳ
қайрилиб ҳам қарамайди.
Ёқимли азон товуши бомдодга чақирди. Таҳорат олиб, масжидга чиқдик. Намоздан
сўнг бозорга бориб, газлама, ипак сотиладиган растани айландик. Мева, ширинлик, мол,
қўй бозорларни кўздан кечирдик. Бир пайт Абдуллоҳни тополмай қолдим. Бир соат
қидириб, газлама бозоридан топдим. У тилмочлик (таржимонлик) қилиб турган экан. Халал
бермадим. Ишлар битгач, тушлик қилиб, пешин ўқидик. Кейин қизиқиш устун келиб,
ундан сўрадим.
-
Абдуллоҳ
савдогарга тилмоч кераклигини қандай билдинг?
-
Атрофни кузатиб турсам, бир савдогар ташвишли кўринди. Бир –
икки одамнинг
олдига борди, аммо улар қўлларини кўтариб, “тушунмадик”
ишорасини қилди.
Олдига борсам, форс ўлкасидан келган савдогар экан. Араб тилини яхши
билмаслигидан молларини сотолмаётган экан. Олдинги тилмочи жуда қиммат
нарх айтибди. Мен кўнглидан чиқариб берганига рози бўлдим. Шу тариқа моли
сотилди, мен 15 динор ишлаб олдим. Бу пул икки ой бемалол яшашимизга, илм
олишмизга етади,
-
дея жавоб берди табассум қилиб. Шу йўсин бозорда
таржимонлик қила бошлади. У ҳам илмдан ортган вақтида. Кечки пайт эса
ўрганганларимизни ёзамиз, аниқроғи у айтиб туради, мен ёзаман. Орадан бир йил
ўтиб, устозлар Абдуллоҳга бошқа устозга боришни тайинлади. Шу билан бир неча
йил илм талабида шахарма шаҳар, мамлакатма мамлакат кезиб юрдик. Ироқ
,
Яман, Жазира, Миср ва Шомда илм таҳсил қилдик. Қаерга борсак,
узоғи олти ой
турардик. Шу орада 3 мингдан дан ортиқ
шайх билан кўришдик. Бир куни бир
устозимиз бизга Куфадаги отаси Термизлик Нўмон ибн Собит (Абу Ҳанифа)
ҳазратларининг олдига боришни тайинлади. Вақтни қўлдан бой бермай йўл
тадоригини кўра бошладик. Аммо кўнглимнинг бир четида йўлга қўйган
тижоратимиз, топаётган пулларимиздан айрилгим йўқ
эди. Чунки бу ерда
ишларимиз яхши эди. Мен ҳам хатлар, мурожаатномаларни таржима қила
бошлаган, озми
-
кўпми фойда қилаётган эдим. Лекин илмга рағбатимиз устун
келди. Абдуллоҳнинг олтинларни босиб ўтиб кетаётгани ҳаёлимда тез
-
тез
гавдаланадиган бўлиб қолди. Қалби дунёга боғланмаган
унинг. Бир лаҳзада
ҳаммасидан кечиб юборади
-
я, Субҳаналлоҳ
.
Биз шом вақтида Абу Ҳанифа ҳазратларининг уйларига етиб келдик. Узоқдан
ажралиб тураркан. Бадавлат эканда деган ўй ўтди ҳаёлимдан. Эшикни бир йигит очди.
Очиқ
чеҳра билан меҳмонхонага бошлади. Устоз билан эртага учрашишимизни айтди. У
ерда бизга ўхшаган мусофирлар кўп экан. Бир мусофир билан гаплашиб қолдик. У
устозимиз уйни атай катта қилиб қурганини, одамлар ёрдам сўраб мурожаат қилиши осон
бўлишини, уй қидирса мўлжал аниқ
бўлишини ният қилган экан. Бу одам бой, ёрдам бера
олади, деган ишонч бўлиши учун шундай йўл тутганини
айтди. Нўмон ибн Собит
ҳазратларига ҳурматимиз янада ортди. Ҳуфтондан сўнг Абдуллоҳ
менга қараб шундай
деди.
-
Абдусалом мен бундан ҳам катта уй қурдираман. Ҳовлим ҳам ундан икки баравар
катта бўлади. Токи юзлаб одамлар сиғадиган бўлсин. Мусофирлар ҳеч иккиланмай
ҳовлимга кириб келсин. Мен унинг нияти амалга ошишини сўраб дуо қилиб
қўйдим. У айтганини қиладиган одам.
Do'stlaringiz bilan baham: |
