Anorgul atajonova

 
JARANGLI VA JARANGSIZ UNDOSHLAR 
 
29-mashq.  "Hikmat"  matnini  o‘qing,  mazmunini  ayting.  "Saxiy", 
"oliyjanob",  "chiroyli",  "shirin",  "muattar"  so‘zlarini  daftaringizga 
ko‘chirib  yozing.  So‘zlardagi  jarangli  va  jarangsiz  undosh  tovushlarni 
aniqlang. 
  
Hikmat 
 
Saxiy  va  oliyjanob  kishilar  bilan  suhbatdosh  bo‘lmoq  kishida 
yoqimli fe’l va chiroyli xislatlarga rag‘bat uyg‘otadi. Yomon fe’lli va fasod 
tabiatli  kishilar  bilan  suhbat  esa  yoqimsiz  sifat  va  qabih  illatlarga 
yetaklaydi.  Yomonlar  bilan  yaxshilar  suhbati  orasidagi  farq  va  ular  bilan 
qilingan  suhbat  ta’siri  xuddi  shamol  kabidir.  Shamol  yomon  joydan  o‘tib 
qolsa, badbo‘y hidlarni olib keladi. Agar shirin hidli joylardan o‘tib qolsa, 
muattar islarni keltiradi.