Analitik kimyo

Xloridlarni aniqlash.

Xloridni merkurometrik usulda aniqlashda ularning eritmalari simob (I) nitrat eritmasi bilan titrlanadi. Reaksiya quyidagi tenglama bo‘yicha boradi:

2NaCl + Hg₂(NO₃)₂ → Hg₂Cl₂ + 2NaNO₃

Indikator sifatida difenilkarbazon eritmasidan foydalaniladi. Bunda ekvivalentlik nuqtasini aniqlash ortiqcha miqdordagi Hg₂²⁺ ioni bilan difenilkarbazon nitrat kislotaning 6 N li eritmasida eriydigan ko‘k rangli cho‘kma hosil qilishiga asoslangan.

Kaliy xloridning 0,05 N li birlamchi standart eritmasini tayyorlash. Kaliy xlorid toptimining massasini hisoblash. Kaliy xloridning simob (I) ioni bilan bo‘lgan reaksiyasida ekvivalentining molyar massasi 74,56 gr ga teng. 1,0 l 0,05 N li eritma tayyorlash uchun uning tuzidan m = 74,56 x 0,05 = 3,728 gr, 250 ml 0,05 N li eritma tayyorlash uchun esa: m=3,728 x 0,25 = 0,932 gr olish kerak bo‘ladi.Eritmani tayyorlash uchun 0,9-1,0 g atrofida «kimyoviy toza» kaliy xlorid tuzi byuksga solinib, analitik tarozida tortiladi. Byuksdagi tuzni 250 ml o‘lchov kolbasiga toza va quruq voronka orqali solinadi. Byuks tuz yuqi bilan yana analitik tarozida tortilib, massalar farqi asosida eritilgan tuzning massasi topiladi. Voronka devorlaridagi tuz yuvgich yordamida o‘lchov kolbasiga yuvib tushiriladi. Tuz to’liq erib bo’lgach, kolbaning belgisigacha suv quyilib, eritma yaxshilab aralashtiriladi.

Tayyorlangan eritmaning normalligi quyidagi fo’rmula yordamida hisoblanadi:

bu yerda, a _KCl - tortimining massasi.