Alijonova durdona farhodjon qizi

Tadqiqotning obyekti va predmeti. Marketing sohasiga oid qonun hujjatlari, darsliklar, qo‘llanmalar, lug‘atlar, sohaga oid terminlar tadqiqotning obyekti bo‘lsa, predmeti sifatida o‘zbek tili marketing terminlarining leksik-semantik jihatdan tadqiq qilish.

Tadqiqotning usullari. Magistrlik dissertatsiyasi mavzusini yoritishda differensial-semantik, tavsifiy, qiyosiy tahlil, tarixiy-etimologik tahlil, struktur tahlil metodlaridan foydalanilgan.

Tadqiqotning ilmiy yangiligi. O‘zbek tili marketing terminlarining semantik xususiyatlari, terminlashish, determinlashish, transterminlashish jarayonlari, mavzuiy guruhlarga ajratilgan; paradigmatik munosabatlar (sinonimiya, antonimiya, giper-giponimiya, polisemiya omonimiya, paronimiya) o‘rganilgan; marketing terminlarining struktur (bir tarkibli, ikki tarkibli, uch tarkibli, to‘rt va undan ortiq tarkibli tuzilishga ega terminlar) tahlil qilingan; mavzuiy guruhlarga ajratishda inson omilini hisobga olingan holda antroposentrik nazariyadan foydalanilgan; shuningdek, marketing terminiga yigirmadan ortiq ta’riflar to‘plangan, mukammlashtirilgan; “O‘zbek tilining izohli lug‘ati”dan marketing sohasiga oid 100 ga yaqin terminlar saralab olingan.