Abduvoxidov alisher nuraliyevich

Ta’lim metodlari turlari

Ta’lim metodi - bu ta’lim oluvchi va ta’lim beruvchining ma’lum maqsadga qaratilgan, birgalikdagi faoliyatini tashkil qilishning muayyan tizimga solingan yо‘l-yо‘rig‘i.

Ta’lim metodlarini ta’lim maqsadlariga erishish bо‘yicha о‘quvchi va о‘qituvchining birgalikdagi ish faoliyatini tashkil qilishning belgilari bо‘yicha quyidagicha guruhlarga bо‘lish mumkin:

- О‘qituvchi markazda bо‘lgan uslublar;

- О‘quvchi markazda bо‘lgan (interfaol yoki interaktiv) uslublar.

Odatda ushbu uslublardan biri yoki bir nechtasi ayrim о‘qitish modellarida birvarakayiga foydalaniladi. Odatda dars jarayoni ikki yoki undan ortiq asosiy uslublardan tashkil topadi va bu uslublar dars mavzusiga tо‘la muvofiq bо‘lib, о‘quvchilarning bilim va tajribasi qay bosqichda ekanligiga qarab qо‘llaniladi.

О‘qituvchi markazda bо‘lgan uslub. Bu uslub orqali о‘qituvchi о‘zi egallagan ma’lumot va kо‘nikmalarni о‘quvchilarning sezgi organlari orqali uzatish yо‘llarini qidiradi. Bunda о‘quvchilarning ishtiroki passiv bо‘ladi, ya’ni ular tinglaydilar, kuzatadilar va ma’ruzalarni yozib boradilar.