Abdulhaq Abdullayev

Muyassar Temirova

Vikipediya, ochiq ensiklopediya

Jump to navigationJump to search

Muyassar Temirova (1941.2.2, Buxoro tumani Shergiron qishlogʻi) — zardoʻz, Oʻzbekiston Qaxramoni (1995), Oʻzbekiston xalq rassomi (1972). 1959 yildan Buxoro zardoʻzlik fabrikasi (hozirgi Buxoro "Zardoʻz" aksiyadorlik jamiyamu)aa usta, sex boshligʻi, boʻlim boshligʻi; 1994 yildan yuksak badiiy buyumlar tayyorlash boʻlimining katta ustasi. Zardoʻz M. Ahmedovaga shogird tushib, anʼanaviy zardoʻzlik sanʼatini puxta egalladi. Temirova egallagan malakasini ish faoliyatida mahorat bilan qoʻllab, zardoʻzlik sanʼatini nozik did bilan tayyorlangan sanʼat durdonalari bilan boyitdi: anʼanaviy zardoʻzi buyumlar (doʻppi, toʻn, kavush va boshqalar) uchun yangi naqsh mujassamotlar yaratdi. Temirova ayollarning zardoʻzi libosi majmuini tayyorladi (1970, Yaponiya EKSPO 70 koʻrgazmasida namoyish etilgan), yangi zamonaviy badiiy buyumlar ijod etdi; yirik zardoʻzi namoyonlar yaratishga boshchilik qildi va bu sohada faol ijodiy faoliyat olib bordi. Jumladan, Ismoil Somoniy maqbarasi, Minorai kalon, Alisher Navoiyning 525 yilligiga bagʻishlangan zardoʻzi namoyonlar, Xalqlar Doʻstligi va "Turkiston" sanʼat saroilarining zardoʻzi pardalari va boshqa T. Oʻzbekiston Respublikasi bayrogʻi va gerbi, Oʻzbekistondagi tarixiy shaxslarning zardoʻzi portretini yuksak mahorat ila yaratdi.

T. koʻplab shogirdlar (200 dan ortiq) tayyorladi. T. tayyorlagan ishlari bilan 1972 yildan respublika va xalqaro koʻrgazmalarda ishtirok etadi, u yaratgan badiiy buyumlardan namunalar respublika va xorijiy mamlakatlar muzey va toʻplamlarida saqlanadi.^[1]