A. B. Xayitov, A. M. Akbarov personalni

Personalni  rejalashtirishning  mohiyati 
kadrlarga  ularning  qobiliyatlari, 
qiziqishlari hamda ishlab chiqarish talablariga muvofiq zarur vaqtda va kerak bo’lgan 
miqdorda  ish  o’rni  takdim  etish  uchun  shart-sharoitlar  yaratishdan  iboratdir.  Ish 
o’rinlari  mehnat  unumdorligi  va  qiziqish  uyg’otishi  nuqtai  nazaridan  mehnat 
kishisiga  eng  maqbul  ravishda  o’z  qobiliyatini  rivojlantirish  imkonini  yaratishi, 
mehnat  unumdorligini  oshirishi.  munosib  mehnat  sharoitlari  yaratish  va  ish  bilan 
bandlikni ta’minlash talablariga javob berishi kerak. 
Personalni  rivojlantirish  ham  tashkilot  rahbariyati,  ham  uning  personali 
manfaatlarini  ko’zlagan  holda  amalga  oshiriladi.  Personalni  rejalashtirish  yanada 
yuqoriroq  mehnat  unumdorligiga  erishish  uchun  qiziqish  va  ishdan  qoniqish  hissini 
uyg’otishi  kerak.    Insonlarni  birinchi  navbatda,  ularning  qobiliyatlarini  o’stirish 
uchun  sharoit  yaratilganligi  hamda  yuqori  va  doimiy  ish  haqi,  kafolatlangan  ish 
joylari  qiziqtiradi.  Shuning  uchun  personalni  rejalashtirishning  eng  muhim 
vazifalaridan biri firmaning barcha xodimlari manfaatlarini hisobga olishdir. 
Personalni  rejalashtirish  vositalari  bilan  ish  beruvchilar  va  ish 
yollanuvchilarning  iqtisodiy  hamda  boshqa  manfaatlarini  tenglashtirish  vazifasini 
bajaradi.  Tashkilot  personali  bilan  ishlash  tizimida  personalni  rejalashtirishning 
o’rni yanada oshib bormoqda. 
Hozirgi  vaqtda  hamma  joyda  ham  personalni  rejalashtirishga  ishlab 
chiqarishni  rejalashtirishdek  muhim  ahamiyat  berilmaydi.  Holbuki,  ishlab 
chiqarishdagi  tashkiliy-texnologik  o’zgarishlar  personalni  oldiga  qo’yilgan  ishlab 
chiqarish va boshqaruv vazifalarini hal etishlari uchun o’z vaqtida tayyorlashni talab 
etadi. 
Ayni  vaqtda  bu  yo’nalishda  ish  joylari  o’zgarayotgan  yoki  tugatilayotgan 

---

 
63 
xodimlar  o’rtasida  paydo  bo’lishi  mumkin  bo’lgan  ijtimoiy  muammolarni  hal  etish 
zarurati  ham  ushbu  masalaning  nihoyatda dolzarbligidan dalolat beradi. Ularni qisqa 
muddat  ichida  hal  etib  bo’lmaydi.  Shunday  ekan,  personalni  rejalashtirish 
korxonaning o’z personaliga nisbatan mas’uliyati ifodasi ham hisoblanadi. 
Bu  o’rinda  shuni  alohida  ta’kidlash  kerakki,  personalni  rejalashtirish  ishlab 
chiqarishni  rejalashtirishning  umumiy  jarayoniga  uzviy  bog’liqholda  amalga 
oshirilgan taqdirdagina yuqori samara keltiradi.