11.1. 4.5.1.Innovatsion texnologiyalar asosida ishlab chiqarish faoliyatini tiklashda xorij invessiyalarning o‘rni.
Innovatsion texnologiyalar asosida ishlab chiqarish faoliyatini tiklashda xorij invessiyalarning o‘rni beqiyosdir. Birgina Navoiy viloyatida investitsiyalarni jalb etish bo‘yicha xalqaro strategik yo‘nalishlarga mos holda 2019-2020 yillarga mo‘ljallangan investitsion dastur belgilangan. Strategik dasturiy hujjatdagi asosiy o‘sish nuqtalari umumiy qiymati 26,3 trillion so‘mlik 511 ta investitsiya loyihalarini o‘z ichiga oladi. O‘zbekiston Respublikasi Prezidentining 2019 yil 15 maydagi «Navoiy viloyatini innovatsion, yuqori texnologiyalarga asoslangan, eksportga yo‘naltirilgan va import o‘rnini bosadigan ishlab chiqarishlar uchun erkin iqtisodiy zona sifatida belgilash chora-tadbirlari to‘g‘risida»gi farmoni qabul qilindi. Mazkur hujjatga muvofiq, Navoiy viloyatida biznes yuritish uchun qulay shartsharoitlar yaratish, innovatsion tadbirkorlik va yuqori texnologiyalarga asoslangan sanoatni rivojlantirish, shuningdek viloyatning investitsiya salohiyatini oshirish, investitsiya muhitini yaxshilash, hududdagi mineral-xom ashyo resurslarini chuqur qayta ishlash, ichki va tashqi bozorlarda raqobatbardosh sifatli mahsulotlarni ishlab chiqarish bo‘yicha erkin iqtisodiy zonaga aylantirish yuzasidan qabul qilingan hamda uning asosiy yo‘nalishlari, vazifalari va faoliyati belgilab berildi. Xususan, Navoiy viloyati hududiy chegaralari ichida 2030 yilga qadar innovatsion, yuqori texnologiyalarga asoslangan, eksportga yo‘naltirilgan va import o‘rnini bosadigan ishlab chiqarishlarni tashkil etish yuzasidan investitsiya dasturlarini amalga oshirayotgan xo‘jalik yurituvchi sub’ektlarga, hududda mavjud bo‘lgan infratuzilmalarda ishlab chiqarishlarni ixcham joylashtirish, shu bilan birga o‘z zimmasiga olgan investitsiya majburiyatlarini amalga oshirmagan taqdirda ular bilan tuzilgan bitimlarni bekor qilish, to‘xtatib turish va ularni «Navoiy» erkin iqtisodiy zona ishtirokchisi maqomidan mahrum etish faqatgina sud tartibida amalga oshirilishi belgilandi. Navoiy viloyatining investitsiya siyosati hududiy rivojlanining uzoq muddatli maqsadlari va ustuvorliklarini belgilash zarurati bilan ishlab chiqildi. Rivojlanish strategiyalari doirasida Navoiy viloyatida investitsiyalarni jalb qilishning o‘ziga xos yo‘nalishlaridan foydalanishga qaratilgan tadbirlar ko‘lami ham oshib bormoqda. Respublika Prezidenti tashabbusi bilan 2018 yil 11-12 may kunlari bo‘lib o‘tgan Xalqaro biznes forumi, “Hunarmandlar markazi” bunyod etildi. 2018 yilning o‘zida 44 ta xorijiy investitsiya ishtirokidagi korxonalar o‘z faoliyatini boshlab, ularning soni 105 taga yetdi. “Navoiy” erkin iqtisodiy zonasi, u yerda yaratilgan shart-sharoitlar, belgilangan imtiyozlar va mavjud salohiyat to‘g‘risida har xil turdagi ko‘rgazmali materiallar hamda maxsus videoroliklar tayyorlanib, elchixonalar hamda xorijiy davlatlarning O‘zbekistondagi vakolatxonalariga taqdim etildi. 2019 yil davomida 245 ta xorijlik investorlar va diplomatik korpus vakillari bilan uchrashuvlar o‘tkazildi. “Invest in Navoi” hamda O‘zbek-Amerika-Kanada xalqaro biznes forumlari tashkil etilib, ularda jami 370,0 mln. dollarlik 33 ta loyihalarni amalga oshirish bo‘yicha kelishuvlarga erishildi. Ixtisoslashgan tadbirlarda shahar va viloyatning investitsiya imkoniyatlari to‘g‘risidagi ma’lumotni umumlashtirayotganda, marketingning barcha vositalaridan foydalanish, tadbirlarning xususiyatlarini, maqsadli auditoriyani, sohani taqsimlash va mavjud byudjetlarni hisobga olish kerak. Fikrimizcha, belgilab berilgan investitsion marketing strategiyalari maqsadli auditoriyalarning turli toifalari uchun raqobatdosh ustunliklarini hisobga olgan holda hududning iqtisodiy, huquqiy va ijtimoiy jihatdan investitsion jozibadorligini oshirishga qaratilgan tadbirlarni amalga oshirishda foydalanish mumkin bo‘lgan asosiy yo‘nalishlardir.
Do'stlaringiz bilan baham: |