QAMBAR OTA
(1941-yilda tug’ilgan)
Taniqli bolalar shoiri Qambar Ota (O’tayev) 1941-yilda Kattaqo’rg’on shahrida tug’ilgan. 1961-yilda Samarqand shahridagi Qishloq xo’jaligini melioratsiya qilish texnikumini bitirgan. Keyin Samarqand davlat universitetining filologiya fakultetida ta`lim olgan. OLiygohni tugatgach, Qishloq xo’jalik institutida dars beradi. Shuningdek, vaqtli matbuotda ishlash bilan birga, badiiy adabiyot bilan shug’ullangan, kichkintoylar uchun yozgan she`rlari gazeta va jurnallarda chop etilgan. G’.G’ulom nomidagi Adabiyot va san`at nashriyotida xizmat qilgan.
Qambar Otaning hozirga qadar “Kitobcha va buzoqcha”, “Chavandoz orzusi”, “Tinim bilmas shamolvoy”, “Shirinso’z”, “Quyoshli dunyo”, “Bolalarning ko’zlari”, Quyosh bilan gaplashdim”, “Toshpolvon bilan Ishpolvon”, “Kitobsevar Oftoboy”, “ Bizning kosmos”, va “G’ildirak” deb nomlangan yigirmadan ortiq kitoblari nashr etilgan, yuzga yaqin she`rlariga kuylar bastalangan. U jahon bolalar shoirlari ijodidan ko’plab sara asarlarni tarjima qilgan.
Do'stlaringiz bilan baham: |