2-laboratoriya mashg`uloti mavzu: molekulyar biologik tahlillarda qo’llaniladigan eritmalar klassifikatsiyasi va ularni tayyorlash

Ishqor eritmasi. 5,76% li natriy karbonat va 4% li natriy gidroksid eritmalari alohida-alohida tayyorlanadi. Ish boshlashdan oldin bu eritmalar 1:1 nisbatda aralashtiriladi.

Kumush nitratning ammiakdagi eritmasi. 5 g kumush nitrat tuzidan olib, uni 50 ml distillangan suvda eritiladi. Agar eritma ustiga konsentrlangan ammiakdan bir necha tomchi tomizilsa, cho'kma tushadi. Cho'kma ustiga ammiak tomizishni davom ettirsak, u qayta eriydi. So'ngra, eritma hajmi distillangan suv bilan 100 ml ga keltiriladi.

Mor tuzining 0,01 n eritmasi. 3,92 g mor tuzi FeSo4(NH4)2SO4G`6HOolib, uni 1 l hajmdagi 0,02 n sulfat kislotada eritiladi.

MS-reaktivi. 0,1 g karbamid (mochevina)ni (9 ml) 96% li etil spirtida eritib, uning ustiga 1 ml xlorid kislotaning 1 n eritmasidan qo'shiladi.

α-naftolning 0,2 li eritmasi. 0,4 g α-naftol olib, uni 50 ml etil spirtda eritiladi. Tajriba qilish oldidan undan 5 ml olib, 20 ml distillangan suv bilan suyultiriladi.

Nilaider reaktivi. 2 g vismut gidroksinitrat — BiOH (NO3)2 va 4 g segnet tuzidan olib, 100 ml hajmdagi natriy gidroksidning 10% li eritmasida qizdirish yo'li bilan eritilib, keyin filtrlanadi.

Oqsil eritmasi. 1—2 ta tuxum oqsili olib, 1 l distillangan suvda eritiladi

Oqsilning tuzli eritmasi. Oqsillarni dializ qilishda va ularni cho'ktirishda oqsilning osh tuzidagi eritmasi ishlatiladi. Buning uchun 3 ta tuxum oqsili 700 ml distillangan suvda eritilib, uning ustiga 300 ml natriy xloridning to'yingan eritmasi solinadi. Eritma filtrlanadi.

Orsinli reaktiv. 1 g orsin, 500 ml 30% li xlorid kislotada eritilib, uning ustiga 10% li temir (III)-xlorid eritmasidan 4—5 ml solinadi. Tayyorlangan eritma og'zi berkitilgan qora rangli shisha idishlarda saqlanadi.

OTS reaktivi. 0,4 g salisilat kislota 96% li etil spirtning 10 ml da eritilib, uning ustiga 0,5 ml orto-toluidin qo'shiladi.