1−амалий иш. Тиббиётда қЎлланиладиган сенсор воситаларнинг мажмуаси билан танишиш сенсорлар ҳАҚида

6−АМАЛИЙ ИШ. АФАЗИЯ.

Афазия (юнонча а — инкор қўшимчаси ва phasis — фикр) — гапира олмаслик, сўзлаш қобилиятининг бузилиши. Афазия га бош мия пўстлоқ қаватидаги сўзлаш марказининг ўзгариши сабаб бўлади. Мотор (ҳаракат) ва сенсор (сезиш) хиллари бор. Мотор Афазияда бемор гапирмоқчи бўлганда сўзларни топа олмаса, сенсор Афазияда беморга қаратилган сўзлар маъносини англаб етмайди, ўз нутқини назорат қилолмайди. Афазия бош миянинг оғир касалликлари, ривожланувчи фалажлик ва ҳ.к.да учрайди.
Афазия – нутқ бузилиши, фикрлашни ифодалаш, одамлар билан сўзлашиш қобилияти йўқолади, артикуляцион аппарат, эшитув қобилияти сақланган ҳолда.
ТУРЛАРИ:
- мотор афазия – товушни ифода эта олмаслик;
- сенсор афазия – нутқни тўлиқ тушунмаслик, товушларни фарқлай олмаслик;
- амнестик афазия – предмет отини айта олмаслик, лекин тасвирлай олади;
- семантик афазия – нутқни тушуна олмаслик;
- динамик афазия – нутқ инитсиативасини йўқолиши.
САБАБЛАРИ:
Нутқ ва сўзлашувни қабул қиладиган бош мия соҳаларининг зарарланиши. - Бош мия травмалари; - Бош мия яллиғланиш касалликлари; - Бош мия ўсмалари; - Томир касалликлари, қон айланиш бузилиши (инсульт). Қуйидаги бўлимлар фаолияти бузилади: - Орқа соҳалар, чап ярим шар пастки пешона бурмаси; - Тепа чакка бурмасининг орқа қисми; - Тепа ва чакка қисмларининг пастки орқа қисми; - Чап ярим шар тепа-чакка-энса соҳаси.
БЕЛГИЛАРИ:
- Предметларни номини айта олмаслик;
- Нутқ калта, қисқа;
- Сўзлаша олмаслик;
- Ёзганда харфлар қолиб кетиши, бўғинлар алмашиши;
- Нутқ маъносини англамаслик.
ДИАГНОСТИКА:
Логопед томонидан амалга оширилади, нутқ, ёзув турли тестлар текширилади. Невропатолог консультацияси:
- Бош мия компьютер томографияси;
- Электроэнсефалограмма;
- Бош мия магнит-резонанс томографияси;
- Орқа мия суюқлигини текшириш.