10-mavzu: ta’lim jarayonini loyihalashtirish reja

10-MAVZU:TA’LIM JARAYONINI LOYIHALASHTIRISH

REJA:

1.Ta’lim jarayonini loyihalashtirishning ahamiyati

2.Ta’lim jarayonini loyihalashtirish tamoyillari

3.Ta’lim jarayonini texnologiyalashtirish

1.Ta’lim jarayonini loyihalashtirishning ahamiyati

O‘qituvchi kasbiy faoliyatini tashkil etishda ta’lim jarayonini loyihalash alohida ahamiyatga ega. Har bir o‘quv kursini o‘rganish alohida mavzu va bo‘limlarni loyihalash asosida amalga oshiriladi.

Ta’lim jarayonini loyihalashtirish – bu pedagogik faoliyat ko‘rinishi bo‘lib,
u ta’lim jarayonining texnologik tuzilma hamda o‘qitish natijasini
kafolatlovchi metod va vositalar yig‘indisiga egaligi bilan tavsiflanadi. Loyihalashtirish mahsuli ta’lim jarayonining loyihasi sanaladi.

Pedagogik amaliyot mohiyatini tahlil etish natijasida ta’lim jarayonini loyihalashning bir necha qonuniyatlari ajratildi. Ular:

1)ta’lim jarayonini loyihalashtirish samaradorligi barcha tarkibiy qismlar (texnologik boshqaruv, vosita, axborot, ijtimoiy-psixologik muhit)ning loyihada maqsadga muvofiq yoritilishi asosida ta’minlanadi;

2)ta’limning texnologik vositalari talaba va o‘quvchilarning individual xususiyatlariga bog‘lik holda tanlanadi;

3)loyihalashtirish strategiyalari o‘qituvchining individual uslubiga muvofiq tanlanadi;

4) loyihalashtirish sifati teskari aloqa (o‘qituvchi bilan talaba (o‘quvchi) o‘rtasidagi savol javoblar) ko‘lami, loyihalash mazmuni, shuningdek, barcha omillar samaradorligiga bog‘liq.

Ta’lim muassasalarida ta’lim jarayonini loyihalashtirish quyidagi ikki darajada amalga oshiriladi:

a)o‘qituvchi faoliyati darajasida (ta’lim jarayonining alohida qismlarini loyihalashtirish);

b)ta’lim menedjeri faoliyati darajasida (ta’lim jarayonini yaxlit loyihalashtirish).

Ta’lim jarayonini loyihalashtirishda nafaqat har bir tarkibiy qism, balki ular orasidagi aloqalar ham modellashtiriladi xamda loyihalashtirish qonuniyatlari loyihalashtirish tamoyillarining nazariy asoslarini ishlab chiqishga, pedagogik faoliyat amaliyotida qo‘llashga zamin tayyorlaydi.

Mohiyatiga ko‘ra ta’lim jarayonini loyihalashtirishning asosiy tamoyillari quyidagilardan iborat (1-rasm):