1. Ómir iskerligi qáwipsizligi páni haqqında túsnik. Ómir iskerligi qáwipsizligi pániniń maqseti hám waziypaları

Kúygende birinshi járdem
Kúyiw terige joqarı temperaturanıń (termik) sonday-aq kislota, fosfor hám basqalarınıń (ximiyalıq) tásiri nátiijesinde sádir boladı. Kúyiwdiń awırlıǵına qarap olardı tórt dárejege bóliwge boladı. Birinshi dárejeli kúyiwde teri qızarıp isiwi seziledi; ekinshisinde suwyıqlıqqa tolǵan, hawa qaltashaları payda boladı;úshinsisinde teri jansızlanadı; tórtinshisinde teri kúyip kómirge aylanadı.
Birinshi dárejeli kúyiwde kúygen orınlar taza suwda juwıladı, onnan keyin spirt, odekolon yamasa kaliy permanganatiniń kúshsiz aralaspası menen ıǵallanadı.
Ekinshi dárejeli kúyiwde teriniń kúygen orınlarına hawa qaltashaları kóshirilmesten sterillengen bint qoyıladı. Kiyim hám ayaq kiyimlerdi sheshkende terige teiip ketpesligi hám jara pataslanbaslıǵı kerek. Kontsentrlengen kislotalardan kwyǵanda (sulfat kislotadan tısqarı) teriniń kúygen beti 15-20 minut dawamında suwıq suw, sabınlı suw hám ishimlik (3 % li) soda aralaspası menen juwıladı. Ishqeriden kúygan teri suw menen juwıladı, soń 2 % li uksus yamasa limon kislota aralaspası menen islew beriledi. Islew berilgennen keyin teriniń kúygen betine zıyanlastırıwshı bint qoyıladı. Sóndirilmegen aq hákte kúygen teri bólekleri haywan yamasa ósimlik mayları menen islew beriledi.