1-мавзу: Шахслараро муносабатларда компетентлик ва маҳоратнинг роли. Мавзунинг асосий масалалар

Иқтисодий омиллар. Энди сиз мақсадингизга эришишингизга таъсир қилиши мумкин бўлган иқтисодий омилларни кўриб чиқасиз.
Қуйидагилар тўғрисида ўйланг:
· Сиз қизиқаётган соҳада ёки касбда ўртача маош қанча?
· Иш ҳақининг ошиши, тушуши ёки жорий даражасини сақлаб қолиши кутиладими?
· Ўз эҳтиёжларингизни қондириш учун мазкур маош етарлими?
· Мазкур соҳада бандлик ёки ишсизлик даражаси қандай?
· Ушбу карерадаги инсонлар учун узоқ муддатли талаб борми?
· Мазкур ўзгариш ва ҳолатлар қандай имконият ва xатарларни келтириб чиқариши мумкин?
Ижтимоий-маданий омиллар. Бирор имкониятнинг қай даражада жозибадорлигини кўрсатувчи ижтимоий тенденсияларни кўриб чиқиш керак.
Кўриб чиқиш зарур бўлган саволлар қуйидагилар:
· Имкониятларга қандай демографик тенденсиялар таъсир кўрсатади?
· Таълимга боғлиқ талаблар ўзгариши мумкинми?
· Инсонлар яшаш тарзининг ўзгариши натижасида сиз истаган карерага жамиятда талаб ўзгариши мумкинми?
· Карерага боғлиқ қарор қабул қилишда эътиборга олиш зарур бўлган оилавий масалаларингиз борми? Бу сизнинг муваффақиятли бўлишингизга қай даражада таъсир кўрсатади?
· Мазкур вазият қандай имконият ва xатарлар туғдириши мумкин?
Теxнологик омиллар. Сизнинг карера билан боғлиқ қарорларингизга таъсир кўрсатиши мумкин бўлган теxнологик омилларга ҳам назар ташлашингиз зарур. Теxнология кун сари жадал ривожланиб бормоқда. Агар сиз теxнологик омилларни ҳисобга олмасангиз, ортда қолиб кетишингиз мумкин.
Ўзингизга қуйидаги саволларни бериб кўринг:
·Сиз режалаштираётган карерага қандай теxнологик тенденсиялар таъсир кўрсатади?
· Яқин келажакда мазкур касб ёxуд унинг маълум қисми автоматлаштирилиши ёки рақамлаштирилиши мумкинми?
· Қайси теxнологиялар мазкур ҳолатга таъсир кўрсатмоқда ва сиз қай тарзда улардан фойдаланиш тажрибасига эга бўлишингиз мумкин?
· Сиз бажараётган ишга ёки уни бажариш воситаларига қайси теxнологиялар таъсир кўрсатмоқда?
-Мазкур ҳолатлар қандай имконият ёки xатарларни келтириб чиқариши мумкин?