1-masalaning bayoni

5-masalaning bayoni: Ma’lumki, madaniy-ma’naviy rivojlanishning eng muhim poydevori – ta’lim tizimidir. Chunki zamon talablariga javob beradigan, ilg‘or fan-texnika, texnologiya yutuqlarini egallab olgan kadrlarni yetishtirmasdan jamiyatni yuksaltirib bo‘lmaydi. Mustaqillik yillarida ta’lim – tarbiya sohasidagi eski tuzumdan meros bo‘lib qolgan noxush holatlarni bartaraf etishga, uni tubdan isloh etishga, xalqaro talablarga javob beradigan kadrlar tayyorlashga qat’iyat bilan kirishildi.

“Ta’lim tarbiya tizimini o‘zgartirmasdan turib, ongni o‘zgartirib bo‘lmaydi. Ongni, tafakkurni o‘zgartirmasdan turib esa, biz ko‘zlagan oliy maqsad – ozod va obod jamiyatni barpo etib bo‘lmaydi”,- deb ta’kidlagan edi I.A.Karimov.

O‘zbekiston hukumati mustaqil davlatlar hamdo‘stligi makonida birinchi bo‘lib mamlakatda ta’lim tizimini tubdan isloh qilish dasturini amalga oshirdi.

Dastur ijrosining birinchi bosqichi (1997 — 2001 yillar)da kadrlar tayyorlash tizimining mavjud ijobiy salohiyatini saqlab qolish asosida mazkur tizimni isloh qilish va rivojlantirish uchun huquqiy bazani hamda kadrlarni tayyorlash, ilmiy-uslubiy, iqtisodiy shart-sharoitlarni yaratish borasida ulkan ishlar olib borildi.

2001 — 2005 yillar davomida hayotga izchil tatbiq etilgan ikkinchi bosqich Milliy dasturni to‘liq ro‘yobga chiqarish, mehnat bozorining rivojlanishi va real ijtimoiy-iqtisodiy sharoitlarni hisobga olgan holda unga aniqliklar kiritishdan iborat bo‘ldi.

Uchinchi bosqich (2005 va undan keyingi yillar)da O‘zbekistonda kadrlar tayyorlash  bo‘yicha to‘plangan tajribalarni tahlil etish va umumlashtirish asosida, mamlakatni ijtimoiy-iqtisodiy rivojlantirish istiqbollariga muvofiq holda tizimni takomillashtirish ishlari davom ettirilmoqda.

     Mamlakatimizda uzluksiz ta’limni tubdan isloh qilish ta’lim tizimini modernizatsiyalash, demokratlashtirish va insonparvarlashtirish jarayonlari bilan uzviy bog‘liqdir. Shu ma’noda,   Mustaqil O‘zbekistonning birinchi Prezidenti I.A. Karimovning 2012 yil 24 iyuldagi “O