1. Ma’naviyat tushunchasi, predmeti, maqsad va vazifalari. «Ma’naviyat»ning kategoriyalari va rivojlanish qonuniyatlari

Takrorlash uchun savollar 
1. Inson, shaxs, fuqaro tushunchalarini izohlang.
2. Ma’naviy tahdid nima. Uning salbiy oqibatlarini izohlang.
3. Ma’naviy barkamol insonni, komil insonni, sog‘lom avlodni tarbiyalash nima 
uchun zamona talabi hisoblanadi?
4. I.A.Karimovning ma’naviy barkamol insonni tarbiyalash to‘g‘risidagi g‘oyalari?
5. Ma’naviy barkamol deganda qanday insonni tushunasiz?
6. Komil inson deganda qanday insonni tushunasiz?
7. Ma’naviy barkamol, sog‘lom avlod, komil inson tushunchalaridagi mushtaraklik 
va farq nimada?
8. Komil inson haqida Sharq mutafakkirlari fikrlaridan namunalar keltiring.
9. Ma’naviy barkamol, komil insonning asosiy fazilatlariga nimalar kiradi?
10. Vatanparvarlik haqida o‘tmish mutafakkirlari aytgan qanday fikrlarni bilasiz?
11. Vatanparvarlikning asosiy namoyon bo‘lish jihatlariga nimalar kiradi?
12. Nima uchun insonparvarlik o‘zbek halqi milliy ruhiyatining ajralmas qismi deb 
faxrlanamiz?
13. Mustaqil O‘zbekistonning insonparvarlik siyosati nimalarda ko‘rinadi?
14. O‘zbekiston Respublikasining Konstitutsiyasida insonparvarlik g‘oyalari bayon 
qilingan moddalardan misollardan keltiring.
15. Millatimizning mustaqilligi uchun kurashgan qanday millatparvar farzandlarini 
bilasiz?

---

8-MAVZU: 
MILLIY 
O‘ZLIKNI 
ANGLASh, 
MILLATLARARO 
TOTUVLIKNI TA’MINLASh,HUQUQIY SAVODXONLIK, DAVLAT TIZIMIGA 
HURMAT, 
FUQAROLIK 
BURChIGASADOQAT 
– ShAXS MA’NAVIY 
BARKAMOLLIGI MEZONLARI 
Reja: 
1. Milliy o‘zlikni anglash va uning mohiyati. Millatlararo totuvlik. 
2. Mustaqil O‘zbekistonda demokratik jarayonlarning qaror topishi. 
1. Milliy o‘zlikni anglash va uning mohiyati. Millatlararo totuvlik. 
Milliy o‘zlikni anglash har bir inson uchun ma’naviy barkamollikning muhim 
mezonlaridan biri hisoblanadi. Chunki, u avvalo, o‘zining kimligini bilib olsa, qaysi 
millatga mansubligini tushunib yetsa, avlod, ajdodlari, ulardan qoldirilgan moddiy va 
ma’naviy merosni o‘zlashtirsagina to‘laqonli shaxs darajasiga yetishi mumkin. Bunday 
shaxslar millatning aksariyat ko‘pchilik qismini tashkil qilsagina unday millatning 
istiqboli buyuk bo‘ladi. Shuning bilan birga o‘zini chuqur anglab yetgan, ko‘zi ochilgan, 
aqli raso, g‘oyaviy-siyosiy jihatdan uyg‘ongan va jipslashgan xalq va millatni, o‘tmishda 
bo‘lganidek, mustamlakachilik kishanlarida ushlab turish, tili, madaniyati, qadriyatlarini 
oyoq osti qilish, boyliklarini talab ketish, huquqlarini poymol etish, davlat mustaqilligidan 
judo qilish aslo mumkin emas. Chunki ana shunday ma’naviy-ruhiy salohiyatga ega 
bo‘lgan millatning har bir vakili o‘z millati manfaatlarini har qanday boshqa 
manfaatlardan ustun qo‘yishga va o‘zining millat oldidagi mas’uliyatini yuksak darajada 
anglaydi va uning istiqboli uchun fidoyilik ko‘rsatishga qodirlik darajasiga ko‘tariladi.