qo‘llashda ikkita yondashuv keng tarqalgan. Ba‘zi yengil atletikachilar tanlangan
yengil atletika turida asosiy musobaqalarda qatnashgunga qadar dastlabki startlar
seriyalarini keng qo‘llayotgan holda o‘z tayyorgarliklarini tashkil qiladilar.
Boshqalar esa kam musobaqalashib, ma‘suliyatli startlarga tayyorlanadilar.
137
Musobaqa davrida trenirovka ikkinchi yondashuvda sportchining maxsus (o‘ziga
xos) sifatlarini nafaqat saqlashga, balki keyinchalik ham rivojlantirishga aniq
qaratilgan bo‘ladi. Bundan tashqari, yillik trenirovka siklini tuzilishining aralash
varianti ham mavjud. Bunda yengil atletikachilar musobaqa seriallarida
qatnashishni kamdan-kam startlar yordamida ma‘suliyatli musobaqalarga puxta
tayyorlanish bilan almashtirib turadilar.
Tez-tez startlar bilan tayyorgarlik ko‘rish varianti barqaror texnikaga ega
bo‘lgan tajribali sportchilar tayyorgarligida qo‘llaniladi. Bu tuzilma, ayniqsa
musobaqa davrida kulminasion musobaqalardan (milliy terma jamoa a‘zolari
uchun Olimpiya o‘yinlari, Jahon va Osiyo chempionatlari, Gran-pri bosqichlari
hisoblanadi) holi bo‘lgan bosqichlarda qo‘llanilishi mumkin.
Musobaqa davri tuzilmasining ikkinchi varianti nisbatan yosh atletikachilar,
ya‘ni yaxshi jismoniy qobiliyatlar harakat texnikasidagi kamchiliklar bilan birga
mavjud bo‘lgan sportchilar trenirovkasida qo‘llanilishi mumkin. Bunday
sportchilar uchun faol musobaqa faoliyati zararli bo‘lishi mumkin. Buning
natijasida harakatlarda o‘ziga xos bo‘lgan xatolarning mustahkamlanib qolishi, bu
o‘z navbatida musobaqaning favqulodda vaziyatlarida namoyon bo‘lishi mumkin.
Shunday qilib, agar sportchi o‘zining joriy jismoniy, irodaviy, texnik yoki taktik
imkoniyatlariga ko‘ra oldida turgan vazifalarni hal eta olishga qodir bo‘lmasa,
ma‘suliyatli musobaqada qatnashish uchun uning nomzodini ko‘rsatmaslik lozim.
Buning ustiga, shuni har doim yodda tutish joizki, hattoki eng oqilona tuzilgan
trenirovka musobaqalar o‘rnini bosa olmaydi. Optimal musobaqa amaliyotisiz
sportchi taraqqiyotiga erisholmaydi. Musobaqa davri tuzilmasining uchinchi
varianti o‘ta muhim musobaqalardan iborat bo‘lgan mavsumda qo‘llanilishi
mumkin. Ushbu variantda har haftali startlardan iborat mezosikllar musobaqa
faoliyati rejalashtirilmagan ikkita-uchta mikrosikllar bilan birga qo‘shilib keladi.
Bunday variantni jamoaga saralashda qiyinchilik tug‘iladigan yuqori malakali
yengil atletikachilar uchun qo‘llanilishi mumkin. Ularning yaxshiroq tayyorlangan
raqiblari asosiy startga tayyorgarlik ko‘rishga diqqatlarini jamlashlari mumkin
bo‘ladi, saralash esa maqsadga yo‘naltirilmagan holda ―yo‘l-yo‘lakay‖ o‘tishi
mumkin.
Trenirovka musobaqa davrining mazmuni shundan iborat. O‘tish davriga
keladigan bo‘lsak, yillik trenirovka siklini rejalashtirishning har qanday variantida
u odatda, to‘liq dam olish uchun emas, balki faqat trenirovka ishi xususiyatini
qisqa muddatga o‘zgartirish uchun qo‘llaniladi. Uning asosiy vazifasi – faol dam
olish vositalari sifatida qo‘llaniladigan qo‘shimcha sport turlari bilan shug‘ullanish
yo‘li orqali jismoniy tayyorgarlikning umumiy darajasini saqlab turishdir.
Uloqtiruvchilar, qisman sakrovchilar vaqtning bu bo‘lagida tanlangan tur
texnikasining alohida kichik tizimlarini yanada maqsadli bajarish yo‘lini izlashlari
mumkin. Demak, sportchilar musobaqa davridan so‘ng deyarli ikki oy atrofida
mashq qilmay o‘zlariga ―xizmatlariga yarasha dam berishlari‖ tarixda qoldi. Sport
trenirovkasi haqiqiy uzluksiz jarayon qirralariga ega bo‘lmoqda.