Ходимлар фаолиятига доир ҳужжатлар. Ҳужжатлар устида ишлаш тартиби

Хужжатларни идоравий архивда сақлаш.
Идоравий архив мудири хужжатларни ва хужжатлар йиғмажилдларини қабул қилишда уларнинг тўғри тўлдирилганлигини текширади.
Хужжатлар ва хужжатлар йиғмажилдлари архивда Ўзбекистон Республикаси Вазирлар Маҳкамаси ҳузуридаги Бош архив бошқармаси томонидан белгиланган тартибда сақланади. Хужжатлар йиғмажилдлари архивдан ташкилотлар ходимлари сўровлари бўйича тилхат билан берилади. Архивдан олинган хужжатларга бирор-бир белги қўйиш ва ёзувлар тагига чизиш таъқиқланади.
Доимий сақланадиган хужжатлар йиғмажилдларидан хужжатларни олиб қўйишга ва беришга рухсат этилмайди. Истисно ҳолларда прокуратура ва суд органларининг сўровлари бўйича, ташкилот раҳбарининг рухсати билан олиш олиб қўйилган хужжатнинг аниқ тасдиқланган нусхасини хужжатлар йиғмажилдида мажбурий қолдириш ва хужжат аслининг олиниш сабаблари тўғрисидаги далолатномани солиб қўйиш йўли билан амалга оширилади.
Архивдан олинган хужжатлар, зарурат тугаши биланоқ, бироқ 15 кундан кечиктирмасдан, архивга қайтарилиши керак. Архив мудири ҳужжатлар ва хужжатлар йиғмажилдларининг ўз вақтида қайтарилишини назорат қилиб боради.
Ташкилотда ишламайдиган шахсларнинг ҳужжатлар йиғмажилдларидан фойдаланиши фақат ташкилот рахбарининг ёзма рухсатномаси бўйича амалга оширилади.
Ҳужжатлар йиғмажидлари ва хужжатлар идоравий архивда 15 йил давомида сақланади, шундан сўнг белгиланган тартибда Узбекистон Республикаси Марказий давлат архивига берилади.
Архив мудири архивга топширилган хужжатлар йиғмажилдларининг сақланишига, уларни давлат сақловига топшириш учун тайёрлашга жавобгар ҳисобланади..