Hkm 0 ta kazus metodologiya – 10-kazuslar

Эмпатия – ўзга инсоннинг қарашини қабул қила олиш, уни тушуна олиш лаёқати.
Эмпатия – бу вазиятни, ўзганинг нуқтаи-назари ва ҳис-туйғуларини тушуна олиш қобилияти ва буни сездириш.

33

Siz ish boshlagan “Huquq himoyachilari” nomli advokatlik byurosining aksariyat aʼzolari oʻzining individual qobiliyatidan kelib chiqib muayyan bir rolni faol bajarar ekan. Masalan, byuro rahbarining oʻrinbosari I.Nozimov muassasaga boʻladigan murojaatlarni samarali muvofiqlashtirib, xodimlar oʻrtasida ish taqsimlash bilan shugʻullansa, xorijda uch-toʻrt yil malaka oshirib qaytgan V.Ashurov oʻzining yangi takliflarni olgʻa surishi, kreativ fikrlashi bilan ajralib turadi. M.Gʻafurov bilan kotiba N.Olimovaning esa topshiriqlarni vaqtida va toʻla-toʻkis bajarishini jamoa xolis eʼtirof etadi. Lekin, sizning kuzatishingizcha, jamoaning uzoq vaqtdan beri ishlayotgan ikki aʼzosi – Gʻ.Jalilov hamda N.Mavlonova faqat oʻzlarini oʻylashi, topshiriq olsagina bajarib, qolgan payt jamoa ishini, ahvolini yanada yaxshilash, uning imijini yuksaltirish va mijozlar sonini koʻpaytirish singari muhim masasalalarga mutlaqo beparvo ekani, boshqalar bilan kibrli munosabatda boʻlishlari bilan koʻpchilikda norozilik hissini tugʻdirishadi. Ularning yoshi, ancha eskirgan boʻlsa ham pisanda qiladiganlari tajribasi advokatlik byurosi rahbarini oʻylantirib, bu ikki xodimga nisbatan keskinroq chora koʻrishiga izn bermayotgandek. (1) Mana shu vaziyatda byuroning kerakli aʼzosi boʻlishingiz uchun Sizdan qanday sifatlar talab etiladi, deb oʻylaysiz? (2) Oʻzingiz sanagan sifatlarning hammasi ham ayni damda sizda mavjudmi? Yoʻq sifatlarga ega boʻlmoq uchun nimalar qilishim kerak, deb hisoblaysiz? (3) Gʻ.Jalilov va N.Mavlonova bilan boʻladigan muomala-munosabatingizni qanday tasavvur qilasiz? Qay usul bilan ular bilan bogʻliq muammolarni hal etish mumkin, deb oʻylaysiz? (4) Ayni shu usullar yordamida hozirga qadar erishgan muvaffaqiyatlaringizni misollar bilan yoritib bering.