Hisoboti 2021– 2022 – o’quv yili

Chimboy tumani XTBga qarashli
36-sonli chet tillariga IDUMning o’zbek tili fani o’qituvchisi
Kosimbetova Kamilaning 2021-2022-o’quv yilida bajargan ishlari haqida

HISOBOTI
2021– 2022 – o’quv yili

2021-yil 4-sentabr kuni men Chimboy tumani IIB bo’limi xodimlariga Ma’rifat kunida Chingiz Aytmatov hayoti va ijodi. “Asirga tatigulik kun” asari haqida ma’ruza qildim. Bu uchrashuv davomida asar bilan tanishib chiqqan va bu asarni endi o’qish istagida bo’lganlar xodimlar o’z fikr-mulohazalarini bayon qilishdi.




2021-yil 5-sentabr kuni Berdaq nomidagi QQDU Magistratura bo’limi, Lingvistika(o’zbek tili) mutaxassisligi 1-kurs magistranti sifatida talabalar safiga qabul qilindim.
2021-2022-o’quv yili boshida metodbirlashma a’zolari bilan birgalikda maktab o’qituvchilarining dars soatlari taqsimlandi va har bir o’qituvchiga to’garak mashg’ulotlarini yuritadigan sinflar belgilandi. O’quv yili davomida bajariladigan ishlar rejasi tuzildi.
“Yosh filologlar” nomli to’garakka rahbarlik mening zimmamga yuklatildi. Men har seshanba kuni o’quvchilar bilan to’garak mashg’ulotlarini o’tkaza boshladim.



Oktabr oyidan boshlab o’zbek tili fan oyligi boshlandi. Barcha o’qituvchilar fan oyligi doirasida adabiy kechalar va ochiq darslar tashkil etishdi. Shaxsan o’zim 8-9-sinf o’quvchilari bilan birgalikda “Tilga e’tibor – elga e’tibor” mavzusida bayram tadbiri o’tkazdim.



21-oktabr o’zbek tiliga davlat tili maqomi berilgan kun munosabati bilan tuman miqyosida “O’zbek tilim – iftixorim” nomli insholar tanlovi tashkil etildi. Tanlov yakuniga ko’ra, 7-sinf o’quvchim Raxmanberdieva Raxila

80 ball bilan I o’rinni, 8-sinf o’quvchim Nurlabaeva Durdana 82 ball bilan I o’rinni, 9-sinf o’quvchim Jumamuratova Gulshad 78 ball bilan I o’rinni egallashdi va tanlovning respublika bosqichiga yo’llanmani qo’lga kiritishdi.
2021-yil 11-oktabr “Xalqaro qizlar kuni” munosabati bilan tuman miqyosida tashkil etilgan bayram tadbirida o’zim va 9-sinf o’quvchim Jumamuratova Gulshad Chimboy tumani Mahalla va oilani qo’llab-quvvatlash markazi boshlig’i tomonidan faxriy yorliq bilan mukofatlandi.




2021-yil 18-dekabr kuni Chimboy tumani hokimligi va Yoshlar ishlari agentligi tomonidan tashkil etilgan “Intellektual yetuk yoshlar” bilim bahsida maktabning “Kreativ” jamoasi tarkibida ishtirok etib, faxrli 2-o’rinni egalladim.

2022-yil 24-mart kuni Chimboy tumani Xalq ta’limi bo’limi tomonidan tashkil etilgan “Ijodkor o’qituvchilar” olimpiadasida 5 kishidan iborat 36-

sonli maktab o’qituvchilar jamoasi tarkibida qatnashib, yarim final bosqichigacha yetib bordim.
2022-yil 6-aprel kuni o’zbek tili fanidan bo’lib o’tgan pedagog kadrlar davlat attestatsiyasida ishtirok etib, jami 85 ball bilan oliy toifani qo’lga kiritdim.
Kelasi o’quv yili bundan da muvaffaqiyatliroq, samaraliroq bo’lishi uchun astoydil harakat qilaman.
O’zbek tili fani o’qituvchisi: Kosimbetova Kamila