Hisobning predmeti, vazifalari va uning turlari Hisob turlarida qo‘llaniladigan o‘lchov birliklari

1-mavzu. “Buxgalteriya hisobi” fanining predmeti va usullari, buxgalteriya balansi, uning tuzilishi va mazmuni, schyotlar tizimi va ikkiyoqlama yozuv

1. 
   Hisobning predmeti, vazifalari va uning turlari
   
2. 
   Hisob turlarida qo‘llaniladigan o‘lchov birliklari.
   
3. 
   Buxgalteriya hisobini tashkil qilish etikasi.
   
4. 
   Buxgalteriya balansi va uning tarkibiy tuzilishi
   
5. 
   Xo‘jalik jarayonlari natijasida balansdagi o‘zgarishlar
   
6. 
   Schyotlar tizimi haqida tushuncha
   
7. 
   Schyotlarning turkumlanishi
   
8. 
   Ikkiyoqlama yozuv va uning qo‘llanilishi
   

Tayanch so‘zlar: xo‘jalik hisobi, o‘lchov turlari, xo‘jalik hisobi turlari, hisob

vazifalari, oldiga qo‘yilgan talablar..

1. Hisobning predmeti, vazifalari va uning turlari

Bizness- asosiy resuslar masalan materyal va imkoniga ega bo`lgan mijozlar mahsulot ishlab chiqarishga va hizmat ko`rsatishga asoslangan va ishlashdagi hajimda tashkilot.¹

Ana shu korxona, tashkilot va muassasalarda buxgalteriya hisobi xo‘jalik faoliyatini kuzatish, boshqarish va nazorat qilish maqsadida yuritiladi. Buning mazmunida ijtimoiy mahsulotni takror ishlab chiqarish yotadi. Ijtimoiy ishlab chiqarish o‘z navbatida ishlab chiqarish va noishlab chiqarish sohalariga bo‘linadi.
Hisobning vazifalari iqtisodiyot rivojlanishining har bir bosqichida amalga oshirilayotgan xo‘jalik siyosati bilan belgilanadi va quyidagilardan:

• 
  hisobda aks ettiriladigan obektlarni boshqarish uchun ma’lumotlarni yig‘ish, ularni filtrlash va kerakli axborotni shakllantirish;
  
• 
  korxonalar faoliyati natijalari haqidagi axborotni o‘lchash va taqdim etish;
  
• 
  to‘lov intizomini nazorat qilish;
  
• 
  xo‘jalik hisobini mustahkamlashga yordam berish;
  
• 
  xo‘jalik operatsiyalarini samarali boshqarishdan iboratdir;
  

Yuqorida keltirilgan vazifalardan tashqari buxgalteriya hisobi boshqa vazifalarni ham bajaradi. Xo‘jalikdagi imkoniyatlarni yuzaga chiqarish va ulardan foydalanishga ta’sir ko‘rsatadi. Uning ma’lumotlari bo‘yicha ishlab chiqarishni kengaytirish imkoniyatlari, asbob-uskunalaridan foydalanishni yaxshilash, mablag‘larni unumsiz sarflash sabablari aniqlanadi, korxona xo‘jalik faoliyatidagi kamchiliklarni bartaraf qilish va uni yaxshilash yo‘llari belgilanadi.
Buxgalteriya hisobi butun mamlakat bo‘yicha hamda har bir korxona, tashkilot va muassasa bo‘yicha belgilangan ishlab chiqarish dasturining bajarilishini aks ettiradi.