“Himoyaga tavsiya etilsin”

 
 
 
 
 
 
 
 
 
 
 
 

---

39 
III bob. BMIning amaliyotga tatbiqi 
3.1. Ta’lim jaroyinida Rauf Parfi ijodini o‘rganish 
Ma’lumki, mustaqillikning dastlabki yillarida Rauf Parfi she’rlariga qiziqish 
bir muncha baland edi. Maktab darsliklarida (7-sinfda) shoir tarjima holining 
o‘ziga xos tarzda “xos insho” tarzida berilgani ma’lum edi. Lekin o‘tgan o‘n 
to‘qqiz yil davomida shoir ijodiga munosabat goh salbiy, goh ijobiy tomonga 
o‘zgarib keldi va an’anaviy ravishda uning sof modernistik she’rlari emas, 
aksincha barmoq vaznidagi bir muncha an’anaviyror she’rlari berildi. Masalan, 
shoirning “Turkiston”, “Abdullajon marsiyasi”, “Tong otmoqda”, “Yomg‘ir 
yog‘ar” va boshqa she’rlari berib kelingan. Qayd etilgan ushbu she’rlarda 
she’rlarning ma’no mohiyati maktab o‘quvchisining yoshini hisobga olib 
berilgan. Shu boisdan ularni tushunish unchalik murakkablik tug‘dirmaydi. 
Darslik mualliflari garchand modern she’riyatning xos xususiyatlari haqida 
ixchamgina ma’lumot berib o‘tishgan bo‘lsa-da, lekin asosiy masala 
mavhumligicha qolyapti, ya’ni hozirgi darsliklarda modern she’r tabiatini yaqqol 
tasavvur qildira oladigan materiallar yetarlicha emas.
Har qanday ilmiy tadqiqot amaliyotga tatbiq etilmas ekan, uning ahamiyati va
qanchalik muhimliligi noma’lumligicha qolaveradi. Shunday ekan biz ham bu 
tadqiqotimizni bevosita amaliyot bilan bog‘lashga harakat qildik. Bunda bizga 
o‘quv pedagogik amaliyoti qo‘l keldi. Ikki oy davomida o‘quv pedagogik 
amaliyotni Yakkasaroy tumanidagi 319-umumiy o‘rta ta’lim maktabida olib 
bordik. Maktab ta’limining 11-sinfida Rauf Parfi hayoti va ijodining o‘rganilishi 
tadqiqotimiz uchun dasturulamal bo‘lib xizmat qildi.