Himoyaga ruxsat etildi

Mavzuning o‘rganilganlik darajasi: Zamonaviy fiqhiy masalalarda mazhablar orasidagi mushtaraklik masalasi bobning muhim boblaridan bo‘lgani uchun barcha fiqh kitoblarida unga alohida boblar ajratilgan. Jumladan furu’iy kitoblar; Alouddin Abu Bakr ibn Mas’ud al-Kosoniy al-Hanafiyning Badoi’ as-sanoi’ fi tartib ash-sharoi’, Alloma Muhammad Amin ibn Umar ibn Abdulaziz Obidin ad-Damashqiyning Radd al-muhtor ala ad-Durr al-muxtor, Shamsiddin Saraxsiyning Mabsut, Burhoniddin Marg‘iloniyning Hidoya, Alouddin as-Samarqandiyning Tuhfat al-fuqaho, fatvo kitoblar; Olim ibn Alo al-Hanafiyning Tatarxoniya, Hasan ibn Mansur Fahriddin Qozixonning Fatavo Qozixon, Tohir ibn Ahmad al-Buxoriyning Xulosa al-fatavo, Zahiriddin Muhammad ibn Ahmad al-Buxoriyning al-Fatavo az-Zohiriyya, Shayx Nizom va bir guruh hind olimlari tomonidan yozilgan al-Fatavo al-Hindiyya, moliyaviy muomala kitoblari; Hasan Ayyubning Fiqh al-muomalot al-moliyya fi-l-islom, Doktor Rafiq Yunus al-Misriyning Fiqh al-muomalot al-moliyya, Muhammad Taqiy al-Usmoniyning Buhus fi qozoya fiqhiyya muosira, Doktor Vahba az-Zuhayliyning Al-Muomalot al-moliyya al-muosira va shu kabi fiqhga oid barcha kitoblarda ribo masalasiga alohida to‘xtalib batafsil ma’lumot berilgan. O‘zbek tilida; Shayx Muhammad Sodiq Muhammad Yusufning Kifoya 3-juz, Hadis va hayot 11-juz, va Zikr ahlidan so‘rang 2-juz va Maqsudxo‘ja ibn Mansurxo‘janing Majma’ul maqsud kitoblarining savdoga oid boblarida va Nodirbek Nabijon o‘g‘lining “Halol tijorat sirlari” kitobida ribo bobiga to‘xtab o‘tilgan. Lekin, alohida riboga bag‘ishlangan risolalar bitilmagan. Shu jumladan o‘zbek tilida ribo haqida tadqiqot va ilmiy ishlar qilinmagan ekan.
Ilmiy ishning maqsad va vazifalari: Malakaviy bitiruv ishida quyidagi asosiy vazifalar maqsad qilib olindi:
- Mazhablarninig kelib chiqish tarixini o‘rganish;
- Mazhabboshilarning hayoti va faoliyatiga oid manbalarni o‘rganish;
- Zamonaviy fiqhiy masalalarning kelib chiqishi va uning yechimlarini o‘rganish;
- Fiqhiy mazhablar o‘rtasidagi mushtarak jihatlarini dalillari asosida qiyoslash;
- Sudxo‘rlikning iqtisodiy nuqtai nazardan salbiy ta’sirini yoritib berish;
- Sudxo‘rlikning zamonaviy ko‘rinishlarini aniqlash va ularga fiqh nuqtayi nazaridan to‘xtalib o‘tish.