Himoyaga ruhsat etiladi” O‘quv va ishlab chiqarish amaliyoti bo‘yicha direktor o‘rinbosari

Bunday holda, agar xarid qilish tartib- taomili yakunlariga ko‘ra auksion o‘tkazilmagan deb topilgan bo‘lsa, davlat buyurtmachisi auksionni uzaytirmay, Qonunda nazarda tutilgan tartib-taomil bo‘yicha tanlovni quyidagi xususiyatlarni inobatga olgan holda o‘tkazishga haqli:

• belgilangan davlat xaridlarining summalariga oid mezonlar amal qiladi;

• tanlov o‘tkazilishi to‘g‘risidagi e’lon ishtirokchilarning takliflari qabul qilinadigan muddatning tamom bo‘lish sanasidan kamida o‘n kun oldin davlat buyurtmachisi tomonidan maxsus axborot portaliga joylashtiriladi ;

• davlat xaridini amalga oshirish uchun kamida besh kishidan iborat tarkibda xarid komissiyasi tuziladi.

1.2 Elektron auksionda ro’yxatdan o’tish tartibi

Birinchi navbatda ishtirokchi davlat xaridlari bo‘yicha maxsus axborot
portalda ro‘yxatdan o‘tishi kerak bo‘ladi. Ro‘yxatdan o‘tish jarayoni davlat xaridlari uchun mo‘ljallangan maxsus portal – xarid.uz saytida amalga oshiriladi. Xarid.uz saytining o‘ng tomon tepa qismida “Ro‘yxatdan o‘tish” tugmasi bosiladi.

Birjaning barcha savdo platformalarida ro‘yxatdan o‘tishni ko‘zda tutuvchi sahifasida “Elektron raqamli imzo bilan” doirasiga belgi qo‘yiladi.

Davlat xaridlaridagi ishtirokchi tanlanadi.Oferta bilan tanishib chiqilgandan so‘ng, “qabul qilaman” katagiga belgi qo‘yiladi va “Ro‘yxatdan o‘tish” tugmasi bosiladi.

Ochilgan keyingi sahifada so‘ralgan ma’lumotlar kataklari to‘ldiriladi va belgi qo‘yilib, “Jo‘natish” tugmasi bosiladi.

Shu bilan ro‘yxatdan o‘tish jarayoni tugaydi va mijozga Hisob-kitob kliring palatasida hisobvaraq ochiladi . Ro‘yxatdan o‘tish havolasi avtomatik tarzda “O‘zbekiston Respublikasi foydalanuvchilarining yagona axborot tizimi” - esi.uz saytiga o‘tkazadi. Bunda elektron kalitni tanlab, “Kirish” tugmasi bosiladi. O‘zbekiston Respublikasi foydalanuvchilarining yagona axborot tizimi – esi.uz saytining maxsus dasturi (E-imzo) kompyuterga yuklangan va o‘rnatilgan bo‘lishi shart! Davlat xaridlari tizimida hujjatlar qog‘oz shaklida taqdim etilmaydi. Ro‘yxatdan o‘tish bepul tarzda amalga oshiriladi va muddatsiz hisoblanadi.