Hid va ta‘m bilish analizatorlarning foaliyatini aniqlash

MAVZU: OVQAT RATSIONINI TUZISH
Ishdan maqsad: Talabalarda to‘g‘ri ratsion tuzish va to‘g‘ri ovqatlanish haqida tushuncha hosil qilish.
Ovqat ratsionini tuzish prinsiplari
Odam uchun ovqat ratsioni (ma’lum muddatda beriladigan ovqat) tuzishda quyidagi qoidalarga amal qilinmog‘i lozim. Bir kunda yeyiladigan ovqat sarf etiladigan energiya miqdorini qoplaydigan bo‘lishi kerak. Ovqat ratsionini tuzishda shaxsning bajaradigan ish turiga monand (bolalar uchun yoshiga) holda yetarli miqdorda oqsillar, yog‘lar va uglevodlarning bo‘lishi hisobga olinishi kerak. To‘rt mahal ovqatlanish eng yaxshi rejim hisoblanadi. Birinchi, ertalabki nonushta umumiy kaloriyaning 10-15% ini, ikkinchi nonushta 15-35% ini, tushki ovqat 40-50% ini va kechki ovqatlanish 15-20% ini tashkil qilishi maqsadga muvofiqdir. Oqsilga boy bo‘lgan oziq moddalari(go‘sht, baliq, tuxum) nonushta va tushki ovqatlanishda tanovul qilingani ma’qul. Kechki ovqatlanish uchun esa sut-ko‘kat mahsulotlari qoldirilishi zarur. Organizmga kirayotgan oqsil va yog‘larning kamida 50 % chorva maxsulotlaridan iborat bo‘lishi kerak. Shu bilan bir qatorda taom ratsioniga yetarli miqdorda vitaminlar, mineral tuzlar va suv kirishi kerak.
Organizmga kirgan oziqning hammasi o‘zlashtirilmasligini, ya’ni ichakda so‘rilmasligini va ishlatilmasligini esda tutish kerak. Iste’mol qilingan oziqning ma’lum qismi ichakdan shlaklar (chiqindi) ko‘rinishida chiqarib yuboriladi. Aralash oziqni o‘zlashtirish o‘rtacha 90 % ga tenglashadi.
Bajariladigan ish turiga qarab sarflanadigan energiya miqdorining har xil bo‘lishi
Odam harakat qilganida energiya ko‘p sarflanadi. Sarflangan energiya ish turiga qarab xar xil bo‘ladi. Turli ishlar vaqtida sarflanadigan energiya miqdorini bilish katta axamiyatga ega. Turli kasbda ishlaydigan kishilarning sarflaydigan energiyasi miqdorini bilish o‘sha kishilar uchun ovqat normalarini aniqlashga imkon beradi. Kasbga qarab sarflanadigan energiya miqdorini aniqlash uchun odamlarni quyidagi gruppalarga bo‘lish mumkin.
Birinchi gruppa. Zo‘r muskul ishi talab qilmaydigan kasbdagi kishilar, idora xizmatchilari, tikuvchilar, mexaniklar, o‘qituvchilar, vrachlar. Ular bir kunda 2600-2800 kal energiya sarflaydi.